İran ordusu sərhədimizdə: Əliyevlə Ərdoğan Zəngilandan hansı mesajları verəcək?
“Türkiyə Prezidenti Rəcəb Tayyib Ərdoğan bu gün Azərbaycana gəlir. O, Prezident Əliyevlə birgə Zəngilanın işğaldan azad edildiyi gün Zəngilan Beynəlxalq Hava Limanının açılışını edəcək”.
Sfera.az xəbər verir ki, bu sözləri siyasi şərhçi Asif Nərimanlı deyib.
Onun sözlərinə görə, səfər sərhədimizdə hərbi təlimlər keçirən və Bakıya qarşı müxtəlif kanallarla təhdidlərlə çıxış edən İrana Ankara və Bakının birlik mesajının verilməsi baxımından da yerinə düşür:
“Ötən ilin oktyabr ayında da İran Arazboyu ərazilərdə hərbi təlimlərlə “güc nümayişi” sərgiləmişdi və həmin ərəfədə Ərdoğan Füzuli Hava Limanının açılışı məqsədilə işğaldan azad edilən ərazilərə gəlmişdi. Bir il sonra yenə eyni ssenari təkrarlanır: Türkiyənin Azərbaycanda, ümumiyyətlə bölgədə olmasına qarşı çıxan Tehran hərbi təlimlərlə nələrisə nümayiş etdirməyə çalışır və öz hərbçilərinə bir-iki güllə atıb gedirlər. Əliyevlə Ərdoğanın Arazın sahilində verəcəkləri mesajlar bu baxımdan maraqlı olacaq”.
Turan Rzayev