"9 noyabr 2020-ci il tarixli üçtərəfli bəyanata uyğun olaraq davam edən proses çərçivəsində Laçın şəhərinin, Zabux və Sus kəndlərinin bu gün Azərbaycana qaytarılmasından məmnunluğumuzu ifadə edirik".

Sfera.az xəbər verir ki, bu, Türkiyə XİN-in yaydığı bəyanatda qeyd edilib.

"Ümid edirik ki, Cənubi Qafqazda sülh və sabitliyin bərqərar olması istiqamətində bu mühüm addım Azərbaycan-Ermənistan münasibətlərinə, eyni zamanda regional normallaşmaya töhfə verəcək. Türkiyə indiyə qədər olduğu kimi, qardaş Azərbaycanın ərazi bütövlüyünü və suverenliyini dəstəkləməyə davam edəcək", - açıqlamada bildirilib.

Turan Rzayev,

Sfera.az