Fotoqraf Bayram İsgəndərov Yanardağda britaniyalı alov rəqs-ifaçısıCassia Chloe Tsura ilə çəkdiyi fotosessiyanı təqdim edib.

Oxu.Az Qafqazinfo-ya istinadla xəbər verir ki, fotoqraf işlərini məşhur "Boredpanda” saytında yerləşdirib və böyük marağa səbəb olub.

B.İsgəndərov sosial şəbəkədə fotosessiya barədə bu sözləri yazıb: 

"Bu çəkilişi hələ may ayında eləmişdim. Çox zövq aldığım, yeni üsullar və səhvlərimi sonradan gördüyüm gözəl bir çəkiliş idi. Etiraf edim ki, bir az tənbələm. May ayında olmasına baxmayaraq, dünya ilə hələ indi bölüşürəm. İnanıram ki, dünən modelim Cassianın doğum günü olmasaydı, bu fotolar hələ çox qalacaqdı”.