Onun sözlərinə görə, Ukrayna Silahlı Qüvvələrinin ehtiyacları üçün ölkə ərazisinə silah və ya materiallar gələn istənilən nəqliyyat vasitəsini məhv etmək onlar üçün qanuni hədəf hesab olunur. 

Sfera.az xəbər verir ki, bu məsələ ilə bağlı danışan siyasi məsələlər üzrə ekspert Elçin Mirzəbəyli Şoyqunun bu açıqlamasını "gücsüzlüyün etirafı” kimi dəyərləndirib:

"Müdafiə naziri Sergey Şoyqunun bu açıqlamasından belə anlaşılır ki, Rusiyanın Ukraynada öz məqsədinə çata bilməməsinin səbəbi bu ölkəyə NATO silahlarının daşınmasıdır. Bu isə Rusiya hərbi sənaye kompleksi və ordusunun NATO silahları qarşısında acizliyinin etirafı kimi də dəyərləndirilə bilər. 

Digər tərəfdən, ola bilsin ki, Rusiya hərbi kəşfiyyatı Ukraynaya bu ölkənin müdafiə qabiliyyətini gücləndirəcək və rus ordusu üçün yeni problemlər yaradacaq yeni silahların və hərbi texnikanın gətiriləcəyi barədə məlumat əldə edib və Şoyqunun narahatlığı da bununla bağlıdır. Amma bütün hallarda Rusiya müdafiə nazirliyinin açıqlaması təhdiddən daha çox gücsüzlüyün etirafı təsiri bağışlayır”,-deyə ekspert qeyd edib.