Rusiya PUA-sı NATO ölkəsinə DÜŞDÜ - FOTOLAR
11:52 / 15.03.2022
878
Rusiyanın silahlı pilotsuz uçuş aparatı (PUA) NATO ölkəsinə düşüb.
Sfera.az bildirir ki, Ukraynanın cənub qonşusu Rumıniyada Orlan-10 dronu qəzaya uğrayıb. Rusiya PUA-sının Bistrica-Neseud bölgəsində, Dumitra qəsəbəsindəki bir evin yaxınlığında düşdüyü bildirilib. Məlumata görə, fermerlərdən biri evinin yaxınlığında PUA gördükdən sonra polisə məlumat verib.
Yerli media pilotsuz uçuş aparatından heç bir siqnalın gəlmədiyini yazıb. Qeyd olunub ki, Rusiya ordusunun hücum və ya kəşfiyyat üçün istifadə etdiyi PUA-nın düşdüyü yer Ukrayna sərhədindən təxminən 100 kilometr aralıdadır.
Xatırladaq ki, Rusiya ordusunun hazırladığı "Orlan-10”dan 2014-cü ildə Donbas münaqişəsində və Suriyada istifadə olunub.
Günay Rəsulqızı
Sfera.az
