1a:T7f0,Ötən il Azərbaycan Dövlət Neft Fondunun aktivlərinin həcmi daha çox arta bilərdi. Amma valyuta məzənnələrinin dəyişməsindən yaranan fərq Fondu 2,12 milyard manat (1,25 milyard dollar) xərcə saldığından aktivlərdə artım 2,71 milyard dollar yox, 1,46 milyard dollar olub. Başqa sözlə, məzənnə fərqinə görə əlavə xərclər olmasaydı, Neft Fondunun aktivləri 45 milyard dollar yox, 46,25 milyard dollar təşkil edəcəkdi.

Sfera.az bildirir ki, ötən il Fondun məzənnə fərqinə görə əlavə xərcə düşməsi ABŞ dollarının bahalaşması ilə bağlı olub. Dollar bahalaşdığından avro, qızıl və türk lirəsində olan aktivlər ucuzlaşıb.

Daha çox ucuzlaşma avro ilə bağlı olub. 2020-ci ilin sonunda Fondun aktivləri 43,6 milyard dollar idi və bunun 20,3 faizi, yəni 8,85 milyard dollar dəyərdə olan hissəsi avroda saxlanılırdı. Son bir ildə avro dollara nəzərən 9 faizdən çox ucuzlaşdığından məzənnə fərqinə görə xərclər 800 milyon dollar təşkil edib.

Ötən il qızıl da ucuzlaşıb. 2020-ci ilin sonunda Fondda olan qızılın dəyəri 6,17 milyard dollar idi. 2021-ci ilin əvvəlində qızılın ümumi dəyəri 5,893 milyard dollara düşüb. Qızılın ucuzlaşması 277 milyon dollarlıq əlavə xərc yaradıb.

Avro və qızıldan başqa digər valyutalarda, o cümlədən türk lirəsində məzənnə fərqinə görə əlavə xərclər yaranıb. Türk lirəsində yaranan fərq 125 milyon dollar həcmindədir.

2022-ci ildə də dolların bahalaşacağına dair proqnozlar var. Əgər bu proqnozlar özünü doğruldarsa, o halda Neft Fondu avro, qızıl və lirədə olan aktivlərə görə əlavə xərcə düşəcək.

Vasif

Sfera.az

4:[["$",

Məzənnə fərqi Neft Fondunu böyük xərcə salıb