Rəsmi Ankara: Türkiyəli pilot Rusiya təyyarəsini vurmaya da bilərdi
Dünya
21:30 / 21.07.2016
2651
Deputat bildirib ki, pilot təyyarəni vurmaya da bilərdi.
2015-ci ilin noyabr ayında Rusiya "Su-24”-nü vuran Türkiyə qırıcısının pilotu bu qərarı sərbəst qəbul edib.
Belə bir bəyanatla müsahibəsində Türkiyənin hakim Ədalət və İnkişaf partiyasının sədr müavini, deputat Yasin Aktay deyib.
"Təyyarəni vurmaq barədə qərar havada qəbul olunub. Bu cür qərarlar pilot tərəfindən qəbul edilir, və o, belə vəziyyətlərdə tətbiq olunan müvafiq qaydalara əməl edir. Bununla belə, o, ölkənin hava məkanını qısa müddətdə pozan təyyarəni vurmaya da bilər”, - Y.Aktay bildirib.
Deputat həmçinin əlavə edib ki, Türkiyə hava məkanını artıq tərk edən Rusiya bombardmançısının məhv edilməsi bir sıra suallar doğurur.
Qeyd edək ki, Rus təyyarəsini vuran pilotların da həbs edildiyi deyilir.
(Oxu.az)
