“Səni təslim olmağa çağırıram...” - Kadırovun müşaviri mitinqdə polislə döyüşən çeçənə nə vəd etdi?
12:49 / 25.01.2021
3852
Dövlət
Dumasının deputatı və Çeçenistan rəhbəri Ramzan Kadırovun müşaviri Adəm Delimxanov
Moskvadakı icazəsiz mitinqdə polislərlə döyüşən çeçen gəncə videomüraciət edib.
Xartırladaq ki, araşdırmalardan sonra həmin gəncin 20 yaşlı Səid-Məhəməd
Cumayev olduğu təsbit edilib.
Polis
artıq həmin gəncin ailəsi ilə əlaqə yaradıb. Səid ailəsinə polislə döyüşərkən
"qeyri-adekvat vəziyyətdə" olduğunu söyləyib. Yaxınları deyirlər ki,
Cumayevin müxalifətlə heç bir əlaqəsi yoxdur, etiraz aksiyalarında da iştirak
etmir.
Delimxanov
öz müraciətində Cumayevi ən qısa müddətdə hakimiyyətə təslim olmağa çağırıb və
qeyd edib ki, bu Çeçenistan hakimiyyəti də ola bilər. O, həmçinin söz verib ki,
Kadırov "sözügedən məsələni hakimiyyətlə həll etməyə” kömək edəcək.
"Bildiyimiz
kimi, Moskvada və ətraf bölgələrdə keçirilən
mitinqlərdə dolaşan şeytanlar eynicinsli evlilikləri dəstəkləyərək bəyan
edirlər ki, Rusiyada da bu cür qanunlar
olmaslıdır. Biz buna imkan vermirik, heç
vaxt da imkan verməyəcəyik, amma hamımız
sosial şəbəkələrdə polisə müqavimət göstərən çeçen gənci gördük. Bil ki, sən
bunu etməklə cinayət törətmisən, çünki eynicinsli nikahları dəstəkləyən Navalnı
kimi insanlar bir müsəlman və çeçen olaraq bizə yaddır”,-deyə Demirxanov
bildirib.
Mənbə:
Lenta.ru
Tərcümə:
SelcanSfera.az
