“Qalatasaray” kapitan ilə yeni müqavilə bağlayır
İdman
13:15 / 12.10.2020
2257
Türkiyənin "Qalatasaray” klubunun qapıçısı Fernando Musleranın taleyinə aydınlıq gəlib.
Sfera.az xəbər verir ki, uzunmüddətli zədədən əziyyət çəkən Uruqvay millisinin qolkiperi "cim-bom”la yeni müqavilə imzalamağa razılıq verib.
Müqavilə müddəti 2021-ci ilin yayına qədər olan kapitan yeni 2 illik saziş bağlayacaq və maaşında endirim ediləcək.
Həmçinin braziliyalı müdafiəçi Markaonun da müqavilə müddətinin 2024-cü ilin yayına qədər uzadılması gözlənilir. Avropa klublarının maraq dairəsində olan "sambaçı”nın illik məvacibi 850 min avroya yüksəldiləcək.
Qeyd edək ki, Fernando Muslera 2011-ci, Markao isə 2019-cu ildən "Qalatasaray”da çıxış edir
