Putinin Moskva çayı sahilində gizli bunkeri var? – Peskovdan açıqlama
16:14 / 13.04.2021
2481
Kremlin sözçüsü Dmitri Peskov Putinin Federal Məclisə illik müraciətinin
hansısa "gizli bunker”də hazırlanması ilə bağlı mətbuatda yayılan məlumatları təkzib
edib.
"İllik müraciət Kremldə hazırlanır. Hazırlıq
prosesində Nazirlər Kabinetinin üzvləri də daxil olmaqla, ən müxtəlif ekspert
qrupları fəal surətdə iştirak edir. Burada heç bir sirr yoxdur ”,- deyə Rusiya liderinin mətbuat katibi bildirib.
Sfera.az-ın "İnterfaks”-a istinadla məlumatına
görə, Peskov qeyd edib ki, mətbuatda təqdim edilən məlumatlara zidd olaraq,
çayın o üzündə, Ağ evlə qarşı-qarşıya bunker deyil, hökumətin Koordinasiya Mərkəzi
yerləşir. Hökumətin koordinasiya tapşırıqlarını yerinə yetirmək üçün yaradılan
sözügedən mərkəz geniş konfrans salonunda fəaliyyət göstərir.
"Orada gizli heç nə yoxdur. Mərkəzin ziyarətçiləri
arasında müxtəlif sahələr üzrə ekspertlər,
biznes və hakimiyyət nümayəndələri, millət vəkilləri də var”,-deyən Kreml rəsmisi
dövlət başçısının yaxın vaxtlarda mərkəzi ziyarət edəcəyini qeyd etməyi də unutmayıb.
Qeyd edeək ki, bir müddət əvvəl Bloomberg mənbələrə
istinadla məmurlar Putinin illik müraciətini
Moskva çayının sahilində yerləşən
yüksək texnologiyalı gizli yeraltı bunkerdə
hazırladıqlarını iddia etmişdi.
Tərcümə: Selcan
Sfera.az