No Image
No Image

Prezidentin təltif etdiyi Fərhad Əhmədov kimdir? – Uğurlu həyat hekayəsi ilə tanışlıq

Prezidentin təltif etdiyi Fərhad Əhmədov kimdir? – Uğurlu həyat hekayəsi ilə tanışlıq

Azərbaycan Respublikası ilə Rusiya Federasiyası arasında qarşılıqlı əlaqələrin inkişafında xidmətlərinə görə Fərhad Teymur oğlu Əhmədov "Dostluq” ordeni ilə təltif edilib.



Bununla bağlı Prezident İlham Əliyev sərəncam imzalayıb.


Qeyd edək ki, Fərhad Əhmədov 15 sentyabr 1955-ci ildə Göyçay rayonunda anadan olub. Azərbaycan əsilli rusiyalı milyarderin dünən 65 yaşı tamam olub.

Sfera.az oxuculara "Dostluq” ordenli həmyerlimizin keçdiyi həyat yolunu təqdim edir.


15 yaşında Moskvadan başlayan həyat hekayəsi


İndi çoxlarının malik olduğu gözqamaşdıran sərvətinə həsədlə baxdığı Fərhad Əhmədov bunları heç də asanlıqla əldə etməyib. Gəncliyindən zəhmətkeşliyi və əzmi ilə yaşıdlarından fərqlənən Fərhad Əhmədov 15 yaşında o vaxtkı SSRİ-nin paytaxtı Moskva şəhərinə gəlib. Burada qaynaqçı-çilingər ixtisası üzrə texniki peşə məktəbini bitirən qəhrəmanımız daha sonra ordu sıralarında hərbi xidmətə yola düşüb.


1977-ci ildə əmtəə və əmtəəşünaslıq ixtisası üzrə Skryabin adına Baytarlıq Akademiyasını bitirib. Daha sonra isə təhsilini davam etdirərək Ali İqtisadiyyat Məktəbini başa vurub.



Fərhad Əhmədov adı Rusiya elitasında tez-tez və daha ucadan eşidilməyə başlayır


Həmyerlimiz 1987-ci ildə "Tansley Trading" şirkəti yaradaraq neft-qaz sahəsində işə başlayıb və bundan sonra o diqqətləri daha çox üzərinə çəkməyi bacarır. Xatırladaq ki, onun rəhbərlik etdiyi "Transley Tradinq"in tərəfdaşları arasında "Qazprom" kimi nəhəng şirkətlər var idi. Şirkət neft, eləcə də xüsusi neft-qaz avadanlıqlarının təchizatı ilə məşğul olurdu.


Fərhad Əhmədov 1989-cu ildə Azərbaycan Beynəlxalq Neft Konsorsiumunun ideoloqu kimi çıxış edərək, bu layihəyə "Amoso Eurasia" və "McDermott" kimi nəhəng şirkətləri cəlb edir.


1993-cü ildə "Transley Tradinq"in adı dəyişdirilərək "Farko Qrup" olur. "Farko Qrup" Rusiyanın Şimal-Urenqoy yataqlarında layihə üzrə aparılacaq hasilat işlərinə operator qismində dəvət alır. Elə həmin ildən etibarən F.Əhmədov bu yataqda hasilat işləri aparan "Nortqaz" şirkətinin Direktorlar şurasının üzvü olur. 1999-2004-cü illər arasında isə şirkətin prezidenti qismində layihəyə bilavasitə rəhbərlik etməyə başlayır. 2004-cü ilin 9 dekabrında Krasnodar vilayətindən Rusiyanın Federasiya Şurasının üzvü seçildikdən sonra "Nortqaz"ın prezidenti vəzifəsindən könüllü istefa verir.


O həm də elmi araşdırmaların müəllifidir



Paralel olaraq Fərhad Əhmədov elmi fəaliyyətlə də məşğul olur. O, Rusiya və MDB ölkələrinin neft-qaz kompleksinin problemləri ilə bağlı çoxsaylı monoqrafiya və elmi məqalələrin müəllifidir. 1997-ci ildən Texnoloji Elmlər üzrə Beynəlxalq Akademiyanın müxbir üzvüdür. O, 2000-ci ildə İ.M.Qubin adına Rusiya Neft və Qaz Dövlət Universitetinin aspiranturasını bitirib. İqtisad elmləri namizədidir. 1996-2006-cı illər arasında "Neft-qaz üfüqləri" jurnalının naşiri olub.


"Forbes" dərgisinin məlumatına görə, Krasnodar vilayətini təmsil edən senator F.Əhmədovla "Qazprom" arasında "Nortqaz" kompaniyasını nəzarətdə saxlamaq uğrunda davam edən uzunmüddətli münaqişə nəhayət ki, uğurla başa çatıb. Və senatorun iddia etdiyinə görə, o, "Qazprom"un kiçik tərəfdaşı qismində özünü çox rahat hiss edir:


"Nortqaz"da hasilat işləri uğurla aparılır, bütün işlər nizama salınıb, münasibətlər isə əla səviyyədədir. Artıq ürəyim üçün xoş olan işlərlə məşğul ola, misal üçün, atamın xatirəsi üçün nəsə bir iş görə bilərəm".



 

Azərbaycan iqtisadiyyatına qatqısı


Sahibkar bu məqsəd üçün Azərbaycanda yerləşən, bir zamanlar atasının rəhbərlik etdiyi nar şirəsi istehsalı üzrə AzNar adlı kiçik zavodu satın alıb. F.Əhmədovun bir xobbisi də qiymətli rəsm əsərləridir. Onun rəsm kolleksiyasında Ayvazovskinin 24 əsəri var.


Son zamanlar F.Əhmədov şəxsi neft kompaniyasının yaradılması haqqında düşünür. O, bu gün Rusiya parlamentinin milyardçı deputatları arasında 1,4 milyard dollar gəlirlə 7-ci yerdə gedir.

 

Ailəlidir, beş uşağı var. Rus dilindən savayı ingilis və doğma Azərbaycan dilində sərbəst danışır.


Hazırladı: Şahin

Sfera.az

Turan Bank
Turan Bank

OXŞAR XƏBƏRLƏR

Ekspert yeni nazirdən danışdı: "Uzun müddət onun rəhbərlik etdiyi şöbə..."

Multimedia İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz nəqliyyat, rabitə və yüksək texnol...

Azərbaycanda koronavirusa yoluxanların sayı artdı

Azərbaycanda bu gün koronavirus infeksiyasına 326 yeni yoluxma faktı qeydə alınıb, 551 nəfər müalicə olunaraq sağalıb və evə buraxılıb. Sfera.az xəbər ver...

Azərbaycanda ət və toyuq bahalaşacaq - Yem qiymətlərinin artması qiymətlərə təsir edib

2019-cu ilin ikinci yarısından başlayaraq Azərbaycanda ət və ət məhsullarının qiymətindəki artım sürətinin bir qədər də güclənməsi müşahidə edilir. Rəsmi məlu...

Xırdalandakı partlayışda yaralananların şəxsiyyəti məlum oldu - SİYAHI

Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində baş verən partlayış nəticəsində xəsarət alanların şəxs...

Şuşaya getmək istəyənlərin nəzərinə - Avtobuslar bu rayonlardan çıxacaq

İşğaldan azad edilmiş şəhər və rayonlara avtobus xətləri açılacaq.   Sfera.az xəbər verir ki, Nəqliyyat, Rabitə və Yüksək Texnologiyalar Nazirliyi yan...

AŞPA erməni deputatların təklifini RƏDD ETDİ

Avropa Şurası Parlament Assambleyası (AŞPA) Ermənistanın qurumdakı nümayəndə heyətinin atəşkəsdən sonra Dağlıq Qarabağa gələn və Azərbaycanın təhlükəsizlik qüvv...