Sfera.az xəbər verir ki, bunu deputat Etibar Əliyev deyib.

 

"Mətin Quliyev analoji piar kampaniyasını seçkilər vaxtı da aparırdı. Əlimdə kifayət qədər sübutlar var”, - deyə bildirən deputat qeyd edib ki, bununla bağlı hüquq-mühafizə orqanlarına müraciət hazırlayır:

"Mənim adımdan "Facebook"da paylaşılan və mənim işlətmədiyim ifadələri məqsədli şəkildə hazırlayaraq ictimaiyyətə ötürüb. Nəticədə ünvanıma təhqir, küçə söyüşləri yazılıb, özüm və ailə üzvlərim ən ağır formada həqarətlərə məruz qalıb. Parlamentin, eyni zamanda onun üzvü olaraq mənim nüfuzuma xələl gətirməyə cəhd edilib. Onu da qeyd edim ki, məni "Facebook"da olmazın söyüşlərlə təhqir edən "Əbulfəz Babasoy" profili də Mətin Quliyev tərəfindən idarə olunur".

Qeyd edək ki, ötən həftə sosial şəbəkələrdə deputat Etibar Əliyevin adından yayılan xəbərlər ona qarşı qəzəb dalğasının yaranmasına səbəb olub. Belə ki, yayılan xəbərlərdə deputatın hərbçilərin maaşlarının azaldılmasına tərəfdar olması bildirilirdi.