53 il əvvəl 1200 dollara avtomobil aldı: İndi 1,3 milyon dollardır - Fotolar

Britaniyalı bir mexanik 1972-ci ildə işlənmiş “Aston Martin DB5 Vantage” alıb. Son yarım əsr ərzində onun avtomobilinin dəyəri min dəfədən çox artıb.

Sfera.az bildirir ki, təqaüdçü Con Uilyams yarım əsrdən çoxdur ki, əsl xəzinəyə sahibdir. Onun 1965-ci il istehsalı olan “Aston Martin DB5” kupesinin dəyəri bir milyon funt sterlinqdən (1,32 milyon dollar) çoxdur.

 

45 il istifadəsiz qaldıqdan sonra avtomobilin uzun müddətli bərpasına ehtiyac olub.

1972-ci ildə Uelsdəki bir yanacaqdoldurma məntəqəsində qaynaqçı və mexanik olan 18 yaşlı Con Uilyams işlənmiş “Aston Martin DB5” almaq qərarına gəlib. Yeddi illik avtomobil ona cəmi 900 funt sterlinqə (1200 dollar) başa gəlib. Bugünkü məzənnə ilə bu, təxminən 9200 dollardır.

Beş il sonra britaniyalıya Yaxın Şərqdə gəlirli bir iş təklif edilib və o avtomobili qarajda qoyub getmək məcburiyyətində qalıb. Avtomobil 2022-ci ilə qədər orada qalıb.

 

45 il ərzində “Aston Martin”in boyası soyulub və avtomobilin bəzi hissələri paslanıb. Con Uilyamsa dəfələrlə “Aston Martin” avtomobilini satmaq təklif olunsa da, o, avtomobilini bərpa etmək istəyib.

Britaniyalı bir az pul qazana və avtomobil təmiri sexinin sahibi ola bilib. O, avtomobilini bərpa etmək üçün “Aston Martin Works” ilə əlaqə saxlayıb.

İş üç il 2500 saat çəkib. İndi “Aston Martin DB5 Vantage” idman avtomobili tamamilə yeni kimidir. Qiyməti bir milyon funt sterlinqdən çox olsa da, britaniyalı sevimli avtomobilini satmaq planında deyil.

Qeyd edək ki, “Aston Martin DB5”in yüksək qiyməti modelin Ceyms Bond avtomobili kimi məşhur statusu və nadir olması ilə bağlıdır. Bu avtomobillərdən yalnız 1022 ədəd istehsal olunub ki, bunlardan yalnız 39-u Con Uilyamsın avtomobili kimi performans tənzimlənmiş “Vantage” versiyasıdır.

 

Aynil