Bu geyimləri almaq ümumiyyətlə tövsiyə edilmir: "Təkrar tullantılardan hazırlanır" - AÇIQLAMA

Sosial şəbəkələrdə qarşımıza tez-tez endirimli qiymətlərlə satılan geyimlər çıxır.

“5 manata koftalar, donlar" ifadələri ilə sosial şəbəkələrdə mütəmadi olaraq rastlaşırıq. Bu geyimlər qiymət baxımından sərfəli olduğu üçün alıcısı daha çox olur.

Bəs bu məhsullar niyə belə aşağı qiymətə satılır?

Mövzu ilə bağlı Sfera.az-a danışan Azad İstehlakçılar Birliyinin (AİB) sədri Eyyub Hüseynov bildirib ki, bu məhsullar, əsasən, keyfiyyətsiz olur.

“Ucuz qiymətə təklif edilən geyimləri, ayaqqabıları ümumiyyətlə almaq tövsiyə edilmir. Çünki keyfiyyətsiz ayaqqabı altlıqları tezliklə sıradan çıxır. Belə geyimlərin bir çoxu isə ikinci əl olur və tezə geyim adı ilə insanlara satılır. Belə məhsullar təkrar tullantılardan hazırlanır. Bu geyimlər öz xarici görkəmi ilə də digərlərindən fərqlənir. Keyfiyyətsiz geyimlər insanlarda allergik xəstəliklər də yarada bilər".

Ülkər Abdurahmanlı