Dünyanı gözəlləşdirməyə çalışarkən özlərini qurban verdilər
Bəşəriyyəti bir addım irəli aparmaq üçün gecə-gündüz çalışan və ixtiralarını həyata keçirərkən həyatlarını itirən alimlər olub.
Sfera.az ixtiralarını təcrübədən keçirərkən, özlərini qurban edən alimlərdən bəzilərini təqdim edir.
1. Horace Hunley
Erkən sualtı qayıqların ixtiraçısı kimi xatırlanan Hunley bu sahədə çoxlu işlər görüb. İllər sonra onun metodlarından istifadə etməklə mühüm texnikalar inkişaf etdirildi, lakin o, sualtı kəşfiyyat zamanı qəzada vəfat edib.
2. Jan-Fransua Pilatr de Rozier
Dünyanın ilk “şarçısı” Jan-Fransua Pilatr de Rozier, adını daşıyan və gələcək illərdə həyatı asanlaşdıracaq “Roziere” şarlarından birini istifadə edərkən qəza nəticəsində həyatını itirib.
3. Silvestr H. Roper
Roper bu gün istifadə olunmasa da buxarla işləyən velosipedin ixtiraçısıdır. Bu velosipedləri yaradarkən o, infarkt keçirir və təcrübə mərhələsində qəza keçirir. Bu qəza onun həyatı bahasına başa gəldi. Lakin bir suala illərlə cavab tapılmır:
Ürək xəstəliyi qəzaya, yoxsa qəza infarkt keçirməsinə səbəb olub?
4. Uilyam Bullok
1813-cü ildə anadan olan ixtiraçı bu gün də çap maşınları üzərində gördüyü işlərlə yadda qalıb. Təəssüf ki, bu maşınlar onun həyatla vidalaşma yolu idi, istehsal etdiyi çap maşınlarından biri montaj zamanı üzərinə düşdüyü üçün o, həyatını itirib.
5. Otto Lilienthal
Planer texnologiyasının və buna görə də təyyarə texnologiyasının atası sayılan Otto Lilienthal tərəfindən həyata keçirilən uçuş təcrübələri Wright Brothers üçün qabaqcıl oldu. O, öz arzuları və bəşəriyyətin rifahı üçün o qədər sədaqətlə çalışdı ki, ixtira etdiyi planerlə sınaq uçuşları həyata keçirərkən yerə çırpılaraq, vəfat edib.
6. Frans Reychelt
İxtiralarını səmada axtaran başqa bir ixtiraçı Reycheltdir. İstehsal etdiyi parça paraşütlə təcrübə apardığı illərdə o, nümayiş ümidi ilə Eyfel qülləsinin zirvəsindən tullanmağı planlaşdırırdı. Bu planı həyata keçirərkən yaşadığı nasazlıq onun on metrlərlə yüksəklikdən yerə çırpılmasına səbəb olub.
7. Mari Küri
Mari Kürini tanıyırsınız. O, Radium və Poloniumu kəşf edən alim idi. Küri bu uğurlu elmi həyatın mənfi nəticəsi olaraq aplastik anemiyadan ölüb.
Bu xəstəlik uzun müddət radiasiyaya məruz qaldıqdan sonra baş verir və o zaman bunu heç kim bilmirdi.
8. Aleksandr Boqdanov
Rus alimi Boqdanov qanköçürmə yolu ilə sonsuza qədər gənc qalmağın üsulunu axtarırdı. O, bu məqsədlə tələbələrindən birinin qanını öz bədəninə yeritsə də, fəsadlar nəticəsində dünyasını dəyişib.
Hadisənin sonradan bu qanda ya malyariya, ya da başqa qan qrupuna aid olduğu üçün baş verdiyi anlaşılıb.
9. Henri Smolinski
Smolinski futuristik dizaynı canlandırırdı. “Ford” modelinə qanadlar əlavə edilərək hazırladığı AVE Mizar adlı uçan avtomobil modelini sınaqdan keçirərkən qəza nəticəsində həyatını itirib.
10. Fred Duesenberg
Duesenberg dünya ilə rəqabət aparan bir avtomobil istehsalçısı idi. O, 1932-ci ildə öz şirkəti olan və adını daşıyan Duesenberg markalı avtomobili idarə edərkən baş vermiş bədbəxt qəzadan sonra vəfat edib.
Aynil
Sfera.az
