Bəzi insanların müəyyən batil inancları var. Hətta elələri var ki, həyatlarını astroloji proqnozlara görə yaşayırlar.

Maraqlıdır, həyatı bu inanclara görə planlaşdırmaq nə dərəcədə məntiqlidir?

Mövzu ilə bağlı Sfera.az-a danışa psixoloq Gülər Məmədova deyib ki, hər insanın özünəməxsus həyat tərzi, vərdiş və inancları var:

“Batil inanclarla yaşayanlar özlərini inkişaf etdirməyən şəxslərdir. Çünki zehnini inkişaf etdirənlər bu inancların haradan qaynaqlandığını, elmi əsasının olub-olmadığını araşdırar. Adətən onları bu inaclardan döndərmək asan olmur. Çünki onların bütün şüurlu fəaliyyətləri həmin inanclar üzərində qurulub. Elmi texniki-tərəqqi əsrində insanların yersiz cəfəngiyatlara inanmasının bir səbəbi də ailədə düzgün tərbiyənin verilməməsidir. Hadisələri düzgün analiz edə bilən, həyatın reallıqları ilə yaşayan insanların yetişməsində valideynlərin rolu böyükdür”.

Ülkər Abdurahmanlı