Narkotik testinin nəticəsindən sonra açıqlama yaydı
Müğənni Sıla Gençoğlu barəsində aparılan narkotik araşdırması ilə bağlı açıqlama verib.
Sfera.az xəbər verir ki, sənətçinin verdiyi narkotik testinin nəticəsi mənfi çıxıb. Məhkəmə-Tibbi Ekspertiza rəyindən sonra Sıla sosial şəbəkə hesabında susqunluğunu pozaraq ictimaiyyətə müraciət edib.
"Peşə fəaliyyətim boyunca cəmiyyətə, xüsusilə də gənclərə nümunə olmağa çalışmışam. Həm sənət, həm də şəxsi həyatımda hər zaman buna həssaslıqla yanaşmışam.
Bir neçə gün əvvəl aparılan araşdırma çərçivəsində ifadəm alındı və müxtəlif testlərdən keçdim. Bu prosesin sağlam və obyektiv şəkildə aparılması çox vacib idi.
Bu gün Məhkəmə-Tibbi Ekspertizanın rəyi açıqlandı. Mən özümə əmin idim. Rəy də hər hansı narkotik və ya psixotrop maddə ilə əlaqəmin olmadığını açıq şəkildə təsdiqlədi" deyə, sənətçi bildirib.
Qeyd edək ki, Sıla Bakırköy Respublika Prokurorluğunun apardığı istintaq çərçivəsində saxlanılmış, nümunələr götürüldükdən sonra barəsində məhkəmə nəzarəti qətimkan tədbiri seçilərək sərbəst buraxılmışdı.\\axsam.az
