Hadisə məşhur türk rejissorundan AYRILDI
Türkiyə şou-biznesinin parlaq ulduzu, cazibədar ifası və xarizması ilə tanınan Hadisə yenidən şəxsi həyatı ilə gündəmə gəlib. Onun məşhur türk rejissoru Şenol Sönməzlə münasibətləri başa çatıb.
Sfera.az xəbər verir ki, bu barədə CNN Türk məlumat yayıb.
Romantik hekayə çəkiliş meydanından başladı
2025-ci ilin yanvarında Hadisənin yeni sevgilisi olduğu xəbəri mediada sürətlə yayılmışdı. Söhbət tanınmış rejissor Şenol Sönməzdən gedirdi. Onların münasibəti “Esas oğlan” serialının çəkilişləri zamanı başlamışdı. Hadisə bu layihədə əsas qadın rollarından birini canlandırıb, Şenol isə layihəyə rejissor kimi rəhbərlik edib.
Sevgi Instagram-da təsdiqləndi
İkilinin münasibətləri ictimaiyyətə Instagram paylaşımı ilə rəsmiləşdirilmişdi, onlar birgə fotolar paylaşaraq sevgi münasibətlərini təsdiqləmişdi. Lakin bu romantika çox da uzun çəkmədi. Altı aya yaxın davam edən münasibət artıq başa çatıb, məşhurlar sosial şəbəkədə bir-birini izləmədən çıxarıb.
Ayrılığın pərdəarxası
Media iddia edir ki, ayrılığın əsas səbəblərindən biri Hadisənin qısqanclıq səbəbilə yaranan mütəmadi mübahisələri olub. Son həftələrdə cütlük arasında münasibətlər gərginləşib və bu da ayrılığa gətirib çıxarıb.
Hadisənin keçmiş münasibətləri də diqqət mərkəzində olmuşdu
Xatırladaq ki, Hadisə 2022-ci ildə “Gloria Jean’s Coffees” markasının Türkiyə üzrə nümayəndəsi Mehmet Dinçerlerlə ailə qurmuşdu. Lakin bu nikah da uzun çəkmədi, cəmi yarım il sonra boşandılar.
