Manatla verilən kreditlər BAHALAŞIR

Manatla verilən kreditlər BAHALAŞIR
Yeni verilən kreditlər üzrə faiz dərəcələrinin təhlili göstərir ki, bu il manatla kreditlərdə faizlər yüksəlir. 

Sfera.az rəsmi məlumatlara istinadən bildirir ki, ötən ilin ikinci yarısında kredit qoyuluşunun azalması ilə əlaqədar manatla yeni verilən kreditlərdə faizlər düşmüşdü. İlin əvvəlində 16-17,4 olan faizlər ilin son aylarında 14-16 faizə qədər gerilədi. 

2021-ci ildən kredit qoyuluşunda artım müşahidə edilir və borcalanların əksəriyyəti manatla kreditlərə maraq göstərir. Bunun təsiri ilə son aylarda manatla verilən yeni kreditlərdə borclanma dərəcəsi 17 faiz həddini keçib. Fevral ayından başlayaraq yeni verilən kreditlərdə orta faiz 17-dən aşağı düşməyib. Hətta avqustda bir qədər də artaraq 17,84 faizə yüksəlib ki, bu da yeni verilən kreditlərdə son illərdə müşahidə olunan ən yüksək səviyyədir. 

Yeni verilən kreditlərin bahalaşması cəmi kredit qoyuluşundakı faizlərə də təsir edib. Sentyabrın 1-nə olan məlumata görə manatla ayrılmış cəmi kreditlərdə orta faizlər 14,16-ya çatıb. Bir il əvvəl manatla kreditlərdə orta faiz 13,7 idi. 
Manatla kreditlərin bahalaşmasını istehlak kreditlərinə tələbin artması ilə əlaqələndirmək olar. Bu ilin əvvəlindən istehlak kreditləri davamlı artır. Ötən ilin sonunda 3,66 milyard manat olan istehlak kreditlərinin həcmi bu ilin sentyabrın 1-də 4,13 milyard manatı ötüb. İstehlak kreditləri ötən dövrdə 12,84 faiz artıb ki, bu da ümumi kreditlərdəki artım sürətindən (7,4 faiz) xeyli yüksəkdir. 

Kreditin bu növünə tələbin böyük olması və borcların daha çox milli valyutada alınması manatla olan kreditlərdə faizləri yüksəldir. 

Xarici valyutada olan kreditlərə isə tələb azdır. Buna görə də bu il xarici valyutada olan kreditlər ucuzlaşır. Ötən il xarici valyutada olan kreditlərdə orta faiz 5-5,5 olmuşdusa, hazırda 5 faizdən aşağıdır. Yeni verilən kreditlərdə isə faizlər hətta 4,5-ə düşüb. 

Vasif
Sfera.az
 

Sehliyali
Turan Bank

OXŞAR XƏBƏRLƏR

Azərbaycanda banklar dollar qəbulunu dayandırdı - AÇIQLAMA

Hazırda ölkədə bir sıra banklar tərəfindən bankomatlar vasitəsilə dollar əsginasların qəbulu dayandırılıb. Sfera.az xəbər verir ki, buna səbəb dövriyyədə ...

2022-ci ildə bizi daha böyük BAHALAŞMA gözləyir - SƏBƏB

2021-ci ildə bütün dünyada yüksək qiymət artımları müşahidə edilir. Ərzaq və qeyri-ərzaq mallarının əksəriyyətinin qiymət artımları elə bir səviyyəyə çatıb ki, ...

Azərbaycandakı İran bankının zərəri 35 milyon manatı ötdü - Müştərilər vəsaitlərini götürdü

Azərbaycanda fəaliyyət göstərən 7 xarici bankdan biri olan "Bank Melli İran”  Bakı filialının aktivinin həcmi son illərin ən aşağı səviyyəsinə düşüb. ...

Avro son bir ildə ilk dəfə bu qədər ucuzdur: Azərbaycana mənfi və müsbət təsiri

Bu gün beynəlxalq birjalarda avro/dollar məzənnəsi 1,15 həddinə düşməklə son bir ilin ən aşağı səviyyəsinə enib. Mövcud səviyyə birillik dövrdə qeydə alınan mak...

Azərbaycanla əlaqələri pisləşərsə, İran milyardlar İTİRƏCƏK

İranla Azərbaycan arasında yaranan siyasi gərginliyin iki ölkənin iqtisadi münasibətlərinə də mənfi təsir imkanı var. İqtisadi münasibətlərdə gərginliyin özünü ...

“Xudafərində yeni gömrük məntəqəsi qurulacaq” – Millət vəkili

"Torpaqlarımız işğaldan azad edildikdən sonra ərazilərin sənaye potensialının reallaşması, xüsusən həmin ərazilərdə sənaye parklarının yaradılması başlıca pri...