Polisdən Suraxanıda ƏMƏLİYYAT: Saxlanılanlar var - ADLAR

Suraxanıda narkotiklərin satışı ilə məşğul olan və oğurluq edən şəxslər saxlanılıblar.

Bu barədə Sfera.az-a Daxili İşlər Nazirliyindən məlumat verilib. Qeyd olunub ki, narkotiklərin satışı ilə məşğul olan əvvəllər məhkum olunmuş 31 yaşlı Kənan Qaçayev saxlanılıb:

“Ondan 2 kiloqrama yaxın psixotrop maddə metamfetamin aşkarlanıb. Keçirilən digər tədbir zamanı isə oğurluq cinayəti törədən əvvəllər məhkum olunmuş 20 yaşlı Anar Cəfərov və 27 yaşlı Əli İsmayılov saxlanılıblar. Onlar gecə saatlarında rayonun Zığ qəsəbəsində yerləşən evlərdən birinin pəncərəsini qıraraq mənzildən pul, qızıl-zinət əşyaları və mobil telefon oğurlayıblar”.

Qurum əlavə edib ki, faktlarla bağlı araşdırmalar davam etdirilir.

Günay