Mingəçevirdə kişi döyülərək öldürüldü - Oğlu SAXLANILDI
Mingəçevirdə oğul atasını döyərək öldürüb.
Bu barədə Sfera.az-a Mingəçevir şəhər prokurorluğundan məlumat verilib. Qeyd olunub ki, hadisə dünən axşam saatlarında baş verib.
“Oktyabrın 12-də saat 13 radələrində Mingəçevir şəhəri, Sahil küçəsi ünvanında 1960-cı il təvəllüdlü Heydar Nəbiyevin üzərində xəsarətlər olan meyitinin aşkar edilməsi barədə şəhər prokurorluğuna məlumat daxil olub. Araşdırma zamanı 1992-ci il təvəllüdlü Vüsal Nəbiyevin oktyabrın 11-də axşam saatlarında atası Heydar Nəbiyevi döyərək müxtəlif dərəcəli bədən xəsarətləri yetirməsi nəticəsində sonuncunun almış olduğu xəsarətlərdən ölməsinə əsaslı şübhələr müəyyən edilib”.
Qurum bildirib ki, faktla bağlı Mingəçevir şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanaraq istintaq aparılır.
“Vüsal Nəbiyev iş üzrə şübhəli şəxs qismində tutulub”, - əlavə olunub.
Günay
