Dövlətə xəyanətdə ittiham olunan Nəzakət Məmmədova hakim qarşısına çıxarılır
Kateqoriya məlum deyil
T
Politoloq Nəzakət Məmmədovanın cinayət işi üzrə hazırlıq iclası keçirilib.
Sfera.az xəbər verir ki, işə Bakı Ağır Cinayətlər Məhkəməsində hakim Elnur Nuriyevin sədrliyi ilə baxılır.
Məhkəmənin hazırlıq iclasında Nəzakət Məmmədovanın ad-soyadı, təvəllüdü, həbsinə qədər hansı işlə məşğul olması ilə bağlı məlumatlar dəqiqləşdirilib. Hazırlıq iclasının qərarına əsasən, onun haqqında cinayət işi məhkəmə baxışına verilib.
Məhkəmə baxışı avqustun 30-da keçiriləcək.
Xatırladaq ki, Nəzakət Məmmədova ötən ilin 20 oktyabrında Dövlət Təhlükəsizliyi Xidməti tərəfindən saxlanılıb. O, casusluq etməkdə günahlandırılıb. Ona qarşı Cinayət Məcəlləsinin 274-cü (dövlətə xəyanət) maddəsi ilə ittiham irəli sürülüb. Barəsində həbs qətimkan tədbiri seçilib.
Altay
