Binəqədi Rayon Polis İdarəsinin əməkdaşları tərəfindən odlu silah-sursatların aşkarlanması, eləcə də narkotiklərin qanunsuz dövriyyəsi ilə məşğul olan şəxslərə qarşı əməliyyatlar həyata keçirilib.

Sfera.az xəbər verir ki, bu barədə Daxili İşlər Nazirliyinin mətbuat xidmətindən məlumat verilib.

“İyul ayı ərzində keçirilən silsilə tədbirlər zamanı narkotiklərlə əlaqəli 115 fakt aşkarlanıb. Qanunsuz dövriyyədən 6 kiloqramdan artıq müxtəlif növ narkotik maddə və psixotrop maddələr çıxarılıb. Aşkar olunan faktlarla bağlı İdarənin İstintaq Şöbəsində Cinayət İşləri başlanılıb, araşdırmalar davam etdirilir. Həmçinin ötən ay vətəndaşlarla aparılaran profilaktik tədbirlərin nəticəsi olaraq 6 odlu silah, o cümlədən 4 “Kalaşnikov” avtomatı, 2 “Makarov” tapançası və 43 ədəd patron polis əməkdaşlarına təhvil verilib", - məlumatda qeyd edilib.

Ülkər Abdurahmanlı