Binəqədidə saxta pula görə iki nəfər SAXLANILDI

Yanacaqdoldurma məntəqəsinə saxta pul verən şəxslər müəyyən olunub.

 

Sfera.az xəbər verir ki, bu barədə Daxili İşlər Nazirliyinin mətbuat xidmətindən məlumat verilib.

 

"İyulun 30-da gecə saat 2 radələrində Binəqədi rayonu ərazisində yerləşən yanacaqdoldurma məntəqəsində avtomobilə vurduqları yanacaq müqabilində 20 manatlıq saxta əskinas verən 2 nəfər Binəqədi Rayon Mühafizə İdarəsinin əməkdaşları tərəfindən saxlanılıb. R.Həsənov və P.Hüseynov Binəqədi RPİ-nin 7-ci Polis Bölməsinə təhvil veriliblər. Araşdırma aparılır", - məlumatda qeyd edilib

 

Ülkər Abdurahmanlı