Yeni doğulan uşağın ölüm səbəbi nə olub? - RƏSMİ AÇIQLAMA
![Yeni doğulan uşağın ölüm səbəbi nə olub? - RƏSMİ AÇIQLAMA](https://sfera.az/photo/orginal/2024/07/16/1721127980_1613024506_2021-02-08-12-45-207ryuyj3c4fjzbbj9q7ey_file.jpg)
Baş prokurorluq Masallıda körpəsi ölü doğulan 17 yaşlı qızla bağlı məlumat yayıb.
Sfera.az bildirir ki, qurumun məlumatına görə, sözügedən faktla bağlı Masallı rayon prokurorluğunda araşdırma aparılır.
“İyulun 16-da Masallı rayon sakini 2007-ci il təvəllüdlü Səfurə Qubadovanın 40 həftəlik dölün baş gəlişi, doğuşun 1-ci dövrü, ölü döl diaqnozu ilə Masallı Rayon Mərkəzi Xəstəxanasına daxil olması faktı ilə bağlı Masallı rayon prokurorluğunda araşdırma aparılır”, - Baş prokurorluq qeyd edib.
Xatırladaq ki, Masallı rayonu, Təklə kənd sakini, 2007-ci il təvəllüdlü Səfurə Elvin qızı Qubadova 40 həftəlik dölün bətndaxili ləngiməsi, dölyanı mayenin azlığı diaqnozu ilə Masallı Rayon Mərkəzi Xəstəxanasının Doğuş və ginekologiya şöbəsinə daxil olub.
TƏBİB-in məlumatına görə, şəxs müayinə olduqdan sonra daha ixtisaslı tibbi yardım üçün təcili tibbi yardım ilə saat 15:45-də Lənkəran Regional Perinetal Mərkəzə göndərilib: “Pasiyent qeyd olunan xəstəxanada yatmaqdan imtina edib. Saat 05:30-da cinsi qız, çəkisi 2.8 kq, boyu 49 sm çəkidə ölü uşaq doğulub”.
Türkan