Abşeronda narkokuryerdə 3 kq narkotik aşkarlandı - FOTO
![Abşeronda narkokuryerdə 3 kq narkotik aşkarlandı - FOTO](https://sfera.az/photo/orginal/2024/07/15/1721038453_a542737a-e114-4b3d-aba5-67b1c69f596c.jpg)
Abşeronda saxlanılan narkokuryerdən 3 kiloqram marixuana, heroin və metamfetamin aşkarlanıb.
Bu barədə Sfera.az-a DİN-in mətbuat xidmətindən məlumat verilib. Bildirilib ki, Abşeron Rayon Polis İdarəsi Narkotiklərlə Mübarizə Bölməsinin əməkdaşlarının keçirdiyi tədbir zamanı əvvəllər qəsdən sağlamlığa zərər vurma və quldurluq cinayətlərinə görə məhkum olunmuş 1993-cü il təvəllüdlü Tamerlan Rəsulov saxlanılıb.
“Onun üzərindən və avtomobilindən 3 kiloqram marixuana, heroin, psixotrop maddə metamfetamin və narkotiklərin satışında istifadə olunan 2 ədəd tərəzi aşkarlanıb. T.Rəsulov şəxsiyyəti istintaqla araşdırılan və sosial şəbəkələrdə tanış olduğu İran vətəndaşı tərəfindən narkokuryerliyə cəlb olunduğunu bildirib. O, narkotiklərin bir hissəsini əvvəlcədən müəyyənləşdirilmiş yerə qoyandan sonra bu fəaliyyətinin müqabilində maddi qazanc əldə edəcək, digər hissəsinin isə satışını həyata keçirəcəkmiş. Faktla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir”, - qurum əlavə edib.
Günay