Sfera.az-ın xarici mətbuata istinadla xəbər verdiyinə görə, çinli mütəxəssislərin araşdırmaları göstərir ki, xərçəng xəstələrinin koronavirusa yoluxma riski çox yüksəkdir.

Bundan əlavə, Rusiyanın Kliniki Onkologiya Cəmiyyəti (RUSSCO) idarə heyətinin üzvü, tibb elmləri namizədi Natalya Denqina bildirib ki, koronavirusa yoluxan onkoloji xəstələrin ölüm ehtimalı da digərlərindən beş qat artıqdır.

Denqina söyləyib ki, xərçəng xəstələrinin belə həssaslığı zəhərli və immuniteti zəiflədən dərmanlarla müalicə səbəbindən yaranır. Kimyaterapiya zamanı orqanizmdəki limfositlərin sayı azalır və o xəstəlik törədicilərinə qarşı müqavimətini itirir. Epidemiya olmadığı halda belə, bu cür müalicə pasient üçün kifayət qədər təhlükəlidir.

Denqina qeyd edib ki, bu baxımdan onkoloji xəstələrlə yanaşı, həkimlər də diqqətli və ehtiyatlı olmalıdırlar.

Mütəxəssis bildirib ki, xroniki xəstəlikliklərdən, o cümlədən diabetdən əziyyət çəkən şəxslər koronavirusa yoluxduğu zaman ağırlaşma hallarının baş vermə riski daha yüksək olur.

Qeyd edək ki, həkimlər koronavirusa yoluxmamaq üçün immuniteti gücləndirməyi məsləhərt görür. Bunun üçün gündəlik rasiona sink və selenlə zəngin olan məhsullar daxil edilməli, eləcə də gün boyu kifayət qədər su içilməlidir.

Sfera.az