"Apple" yeni bahalı modelini təqdim edəcək
"Apple" şirkəti çərşənbə günü keçiriləcək geniş məhsul tədbirində təxminən 2000 dollardan başlayan qiymətlərlə qatlanan "iPhone Duo" modelini təqdim edəcək.
Sfera.az xəbər verir ki, tədbirdə "iPhone 18 Pro", yeni "Apple Watch" modelləri və yenilənmiş "AirPods" qulaqlıqları da təqdim olunacaq.
Təqdimatın mərkəzində şirkətin innovasiya nüfuzunu möhkəmləndirməyə kömək edəcəyinə inandığı, "Apple"ın yüksək qiymətli qatlanan telefonu olacaq.
Digər şirkətlər tərəfindən hazırlanan qatlanan telefonlar bu günə qədər ümumiyyətlə yüksək satış rəqəmlərinə nail ola bilməyib. Cihaz açıldıqda ekranda nəzərəçarpan qırış izləri və batareya ömrünün qısa olması bu məhsulların əsas problemlərindən olub. Lakin texnologiya və təchizat zəncirlərindəki irəliləyişlər cihazların davamlılığını artırmağa, ekranlardakı qırış problemini azaltmağa və digər çatışmazlıqları aradan qaldırmağa imkan verib.
Bu, qatlanan telefonların daha geniş auditoriyaya çatması üçün yol aça bilər. Məhz buna görə də "Apple" qatlanan modelini indi bazara daxil edir.
Şirkətin qarşısında duran əsas çətinlik 2000 dollarlıq qiyməti əsaslandıracaq qədər cəlbedici bir məhsul yaratmaqdır. Bu qiymət "Samsung Electronics" və digər rəqiblərin modellərindən daha yüksək olacaq.Giriş səviyyəli modelin yaddaşı 256 GB olacaq. Daha yüksək yaddaş tutumuna malik modellərin qiyməti təxminən 3000 dollara qədər yüksələcək.
Vasif
