İrana qarşı sanksiyalar sərtləşdirilir: Azərbaycanı nə gözləyir?

Kateqoriya məlum deyil21.08.26, 11:39

ABŞ-nin maliyyə naziri Skott Bessent avqustun 24-də Vaşinqtonun İrana qarşı növbəti tədbirlərinə həsr olunmuş mətbuat konfransı keçirməyi planlaşdırır. Mətbuat konfransında İrana qarşı istifadə ediləcək iqtisadi tədbirlərin açıqlanacağı gözlənilir.

Xatırladaq ki, ötən gün ABŞ Prezidenti Donald Tramp da bu haqda danışıb. Tramp, İrana hər hansı yardım göstərəcək istənilən ölkə üçün iqtisadi nəticələrin olacağı barədə xəbərdarlıq edib.

Sfera.az xəbər verir ki, iqtisadçı Natiq Cəfərov hesab edir ki, əsas təzyiq İranın iqtisadi imkanlarının məhdudlaşdırılması istiqamətində olacaq.

Onun sözlərinə görə, İrana ən böyük iqtisadi zərər ABŞ-nin İran limanlarını blokadaya alması ilə vurulur. İqtisadçı bildirdi ki, İranda artıq ciddi iqtisadi problemlər mövcuddur və bu problemlər getdikcə daha da dərinləşə bilər:

“İranın ən böyük ticarət tərəfdaşları Çin, Rusiya, Pakistan və Türkiyədir. Yəni onlara qarşı sanksiyaların qəbul olunması o qədər də inandırıcı gəlmir. Məsələn, Çinlə Amerikanın ticarət dövriyyəsi təxminən 650 milyard dollardır. Türkiyə isə Amerikanın ən yaxşı müttəfiqlərindən biri və NATO üzvüdür. Bu necə tənzimlənəcək?”.

İqtisadçı hesab edir ki, təzyiqlər iki istiqamətdə həyata keçirilə bilər:

“Birincisi, İran limanlarının blokadası sərtləşəcək. İkincisi isə Körfəz ölkələri, əsasən də Birləşmiş Ərəb Əmirlikləri İran ticarət dövriyyəsinin bank işlərini görürdü. İranın minlərlə fiziki və hüquqi şəxslərinin pulları Dubayda və Birləşmiş Ərəb Əmirliklərindədir. Onlar bloklanacaq və əməliyyatlara icazə verilməyəcək. Düşünürəm ki, bu, İran iqtisadiyyatının boğulması ilə, çox ciddi problemlərin daha da dərinləşməsi ilə nəticələnəcək”.

İqtisadçı Azərbaycanın bu prosesdən mümkün təsirlərini də dəyərləndirib. Onun fikrincə, Azərbaycanla İran arasında ticarət dövriyyəsi nisbətən aşağıdır və İran Azərbaycanın əsas ticarət tərəfdaşları sırasında deyil:

“Azərbaycanla İranın ticarət dövriyyəsi çox azdır. Azərbaycanla ticarət aparan ölkələr arasında İran ilk 15 ölkə siyahısına düşmür. Azərbaycanın İrana satdığı məhsulların həcmi də kifayət qədər azdır. Keçən il cəmi 60 milyon dollar olub. Biz İrandan əsasən kənd təsərrüfatı məhsulları alırıq. Bu məhsullar heç vaxt sanksiyalara tuş gəlmir. Bu gün hətta Rusiyaya qarşı sanksiyalar var, amma ərzağa aid deyil. Ona görə də Azərbaycana bunun hansısa bir ciddi birbaşa təsiri olacağını düşünmürəm”.

İradə Elsevər

Sfera.az

Açar sözlər:

PAYLAŞ

Azərbaycanda bank sektorunda süni intellektə doğru mühüm addım

Ölkəmizdə süni intellekt infrastrukturunu inkişaf etdirən ABB “Dell PowerEdge XE9780” platforması əsasında çalışan və “8x NVIDIA HGX B200 GPU” ilə təchiz olunmuş yüksək performanslı AI serverinin məlumat mərkəzində quraşdırılmasını uğurla başa çatdırıb.Bu texniki imkan, xüsusilə həssas məlumatları ölkə xaricinə çıxarmadan böyük dil modelləri (LLM), AI agentləri, inferens və model təlimi də daxil olmaqla genişmiqyaslı süni intellekt layihələrini yerli infrastrukt

“Green Card” uddu, Yeni Klinikadakı rəhbər vəzifəsindən getdi – AÇIQLAMA

Ravil Tağıyev Yeni Klinikanın İqtisadi məsələlər üzrə direktor müavini vəzifəsindən ayrılmasının səbəblərini açıqlayıb.Sfera.az xəbər verir ki, o, İqtisadiyyat.az-a açıqlamasında deyib ki, Yeni Klinikadaki işindən öz xahişi ilə ayrılıb.İşdən ayrılmasına qərar verməsi

Azərbaycan nefti bahalaşdı

Dünya bazarlarında “Azeri Light” (CIF) markalı Azərbaycan nefti bahalaşıb.Sfera.az xəbər verir ki, Azərbaycan neftinin 1 barelə olan qiyməti 1,2 dollar və ya 1,26% artaraq 96,68 ABŞ dolları olub.Qeyd edək ki, Azərbaycan neftinin əvvəlki qiyməti 95,48 ABŞ dolları təşkil edib.Xatırladaq ki, Azərbaycanın builki dövlət büdcəsində “Azeri Light” ma

Mərkəzi Bankdan dollarla bağlı AÇIQLAMA

Mərkəzi Bankın bu günə olan rəsmi valyuta məzənnəsinə görə, dollarının məzənnəsi dəyişməyərək 1.7000 manat olub.Sfera.az xəbər verir ki, lirənin manat qarşısında dəyəri 100 lirə üçün 3.54 manata enib.Avronun məzənnəsi 1.9877 manata, 100 rublun məzənnəsi isə 2.0484 manata yüksəlib.

Pensiyalar nə vaxt artırılacaq? – İlkin tarix AÇIQLANDI

Azərbaycanda təqaüdçülər üçün əsas suallardan biri növbəti pensiya artımının nə vaxt və hansı həcmdə olacağı ilə bağlıdır.Sfera.az xəbər verir ki, 2026-cı ilin əvvəlində əmək pensiyaları 9,3 faiz indeksləşdirilərək artırılıb. Bu artım 2025-ci ilin yekun göstəriciləri, xüsusilə ölkə üzrə orta aylıq əməkhaqqının artım tempi əsasında hesablanıb. Rəsmi məlumatlara görə, artımdan təxminən 1,1 milyon pensiyaçı yararlanıb.Bəs növbəti artı

Pensiya alanların NƏZƏRİNƏ: 24,6 min nəfər...

2026-cı ilin yanvar–iyul ayları ərzində 24,6 min nəfərə proaktiv qaydada yaşa, əlilliyə və ailə başçısını itirməyə görə pensiya təyinatı aparılıb.Sfera.az bildirir ki, bu barədə Əmək və Əhalinin Sosial Müdafiəsi Nazirliyindən məlumat verilib.Bildirilib ki, onların 56,8%-ni kişilər, 43,2%-ni isə qadınlar təşkil edib.