Hörmüzdən neft daşınması artır, qiymətlər düşür
Hörmüz boğazından neft axınının sürətlənməsi və ABŞ ilə İran arasındakı danışıqlarda irəliləyiş siqnalları neft qiymətlərini ardıcıl üçüncü gündür ki, aşağı salır. Son iki sessiyada cəmi 3 faiz itirən ABŞ xam neftinin (WTI) bareli 68 dollar ətrafında ticarət olunur, "Brent" markalı neft isə çərşənbə günü 72 dollardan aşağı qiymətə satılıb.
Sfera.az xəbər verir ki, ABŞ rəsmilərinin bildirdiyinə görə, həftəsonu baş verən qarşıdurmalara baxmayaraq, Hörmüz boğazından neft tədarükü gündəlik 10 milyon bareli keçib.
Bu da İranın dəniz gəmiçiliyini pozmaq qabiliyyətinin artıq məhdud olduğunu göstərir. Eyni zamanda ABŞ Prezidenti Donald Tramp İranla dolayı danışıqlarda irəliləyiş əldə edildiyini açıqlayıb. Qətər tərəfi isə növbəti görüşün hava hücumunda öldürülən keçmiş Ali Lider Əli Xameneinin iyulun 4-də başlayacaq dəfn mərasimlərindən sonra tezliklə baş tutacağını bildirib.
Qlobal təchizat ümumilikdə təzyiq altında qalsa da, regional aktivlik yüksəkdir. Birləşmiş Ərəb Əmirlikləri həm boru kəməri daşımalarını artırmaqla, həm də tankerlərini bu vacib su yolundan keçirməklə neft ixracını müharibədən əvvəlki səviyyəyə çatdırmağı bacarıb.
Vasif