Bu ilin yanvar–aprel aylarında Azərbaycandan dünyanın digər ölkələrinə bitumlu süxurlardan əldə olunan 7,923 milyon ton xam neft və neft məhsulları ixrac edilib. İxracın ümumi dəyəri 4,365 milyard ABŞ dolları təşkil edib.

Sfera.az Trend-ə istinadən xəbər verir ki, bu barədə Dövlət Gömrük Komitəsi məlumat açıqlayıb.

Məlumata görə, 2025-ci ilin müvafiq dövrü ilə müqayisədə ixracın dəyəri 198 milyon ABŞ dolları və ya 4,3% , fiziki həcm baxımından isə göstərici 281 min ton və ya 3,4% azalıb.

Bu ilin yanvar–mart aylarında Azərbaycandan ən çox neft idxal edən ölkələrin siyahısına İtaliya (4,766 milyon ton – 2,531 milyard dollar) başçılıq edir. Sonrakı yerlərdə Rumıniya (461,3 min ton – 247,8 milyon dollar) və Çexiya (433,1 min ton – 245,7 milyon dollardan çox) qərarlaşıb.

Aşağıdakı cədvəldə 2026-cı ilin yanvar–mart aylarında Azərbaycandan xam neft və neft məhsullarının 10 ən böyük idxalçısı göstərilib:

Ölkə	İdxal həcmi	İdxal dəyəri (ABŞ dolları ilə)
İtaliya	4 766 277.87	2 531 469 100
Rumıniya	461 317.25	247 844 980
Çexiya	433 064.35	245 721 480
Yunanıstan	284 374.74	182 764 510
Bolqarıstan	277 990.61	182 322 500
Portuqaliya	319 393.36	168 954 130
Xorvatiya	276 342.95	162 720 430
Almaniya	270 476.00	127 484 410
Tailand	137 360.18	103 328 320
Tunis	183 708.58	94 503 370
Digər	512 780.79	318 184 350

Qeyd edək ki, Azərbaycandan neft qonşu ölkələrə və dünya bazarlarına üç boru kəməri vasitəsilə nəql olunur: Bakı–Novorossiysk, Bakı–Supsa və Bakı–Tbilisi–Ceyhan (BTC). Hazırda Bakı–Supsa boru kəməri ilə nəql müvəqqəti olaraq dayandırılıb.

Azərbaycan neftini ən çox bu ölkələr idxal edir