“Azərçay”la bağlı iddialara “Azersun”dan cavab: "Dəyişiklik yoxdur"

"Rusiya Federasiyası ərazisində satışı həyata keçirilən “Azerçay” məhsullarının dizaynında və üzərindəki yazıda heç bir dəyişiklik yoxdur".

 

Bu barədə Sfera.az-ın sorğusuna cavab olaraq “Azersun Holding”dən məlumat verilib.

 

Məlumatda bildirilib ki, qablaşdırma üzərinə hər hansı şüar əlavə edilməyib.

 

“Sosial media hesablarında yayılan video həqiqəti əks etdirmir”, - deyə cavanda qeyd edilib.

 

Qeyd edək ki, sosial şəbəkələrdə Rusiya mağazalarında satılan "Azərçay" məhsulunun qablaşdırmalarında yeni sloqanların peyda olunmasına dair məlumat yayılıb.

 

Firuzə Əliyeva
Sfera.az