İdxalda rekord qeydə alınıb - Əsas pay qızıla aiddir

2024-cü ildə Azərbaycanın idxalında rekord göstərici qeydə alınıb. 

Sfera.az xəbər verir ki, idxalın həcmi 2023-cü illə müqayisədə 3,77 milyard dollar artaraq 21,06 milyard dollara çatıb. 

Məlumatlardan aydın olur ki, ötən il idxalın artmasının səbəbi dövlət sektoru üzrə alışların artmasıdır. 

Belə ki, bir ildə dövlətin alışlarının məbləği 3,42 milyard dollar artaraq 6,3 milyard dolları ötüb. 

Ötən il Azərbaycana gətirilən hər 100 dollarlıq malın 30 dolları dövlətin sifarişi ilə alınıb. Bu nisbət 2023-cü ildə cəmi 17 dollar idi. Dövlətin alışlarında əsas pay qızıl alışı ilə bağlıdır. Dövlət Neft Fondu bir ildə qızıl alışına 3,3 milyard dollar xərcləyib ki, bu da dövlətin idxal xərclərini xeyli artırıb. 

Vasif