Azərbaycanda iyunda ən çox bahalaşan ərzaq məhsulu yumurta olub.

Sfera.az rəsmi statistik məlumatlara istinadən xəbər verir ki, yumurtanın qiyməti bir ay ərzində 17 faiz artıb. Mayda 10 ədəd yumurtanın orta qiyməti 1,25 manat olduğu halda, iyunda 1,45 manat həddini ötüb.

Yumurtanın qiymətindəki kəskin dəyişiklik mövsümi amillərlə bağlıdır. Aprel və may aylarında toyuq yumurtası istehsalının artması təklif bolluğu yaratdığından qiymətlərə azaldıcı təsir edib. Buna görə də ötən ay yumurtanın qiyməti son ayların ən aşağı səviyyəsinə düşdü.

İyunda meyvələrin də qiymətində ciddi artım olub. Meyvələr ümumilikdə 2,5 faiz bahalaşıb. Meyvələrdən daha çox bahalaşma limonda, almada, çiyələkdə və kividə qeydə alınıb.

Vasif