“Ötən il Fransa 603,4 milyard dollarlıq məhsul satıb. Bunun cəmi 222 milyon dollarını Azərbaycan alıb. Bu isə, 0.03% deməkdir”.

Sfera.az bildirir ki, bunu iqtisadçı ekspert Eldəniz Əmirov deyib. Onun sözlərinə görə, ötən il Fransanın mal satıb qazandığı hər 100 dolların cəmi 3 sentini Azərbaycan verib:

“Tutaq ki, Fransa məhsullarının boykot edilməsi qərarı verildi. Bununla biz 3 qəpiyin maksimum 1 qəpiyini azalda biləcəyik. Yəni, maksimum cibinbə 100 manat olan adama 1 qəpik zərər dəyər. Bu da heç zərər deyil. Necə deyərlər, mən almayacam, başqasına satacaq”.

Ekspert bildirib ki, siyasi anlamda münasibətlər gərgin görünsə də, iqtisadi baxımdan vəziyyət başqadır:

“Bu ilin 6 ayı ərzində Fransa ilə ticarət dövriyyəmiz 3,6 dəfə, yəni 260 faiz artıb.  Odur ki, Fransa kimi dövlətin addımlarına qarşı mübarizə siyasi arenada effektiv ola bilər, amma iqtisadi arenada bu, belə deyil”.

Günay