İdman

İspaniyanın "Barselona" klubunun futbolçusu Mark-Andre ter Ştegen dizindən əməliyyat olunacaq. Sfera.az-ın məlumatına görə, bu barədə almaniyalı qolkiper şəxsi instaqramında yazıb. 29 yaşlı oyunçu prosedurun mayın 20-də başlanacağını bildirib. Bu səbəbdən, ter Ştegen Avropa çempionatını buraxacağını əlavə edib. Qeyd edək ki, AVRO-2020 11 iyun - 11 iyulda Avropanın 11 şəhərində keçiriləcək.

Şahmat üzrə Dünya çempionu Maqnus Karlsenin təşkil etdiyi Çempionlar Turunun VI mərhələsinin püşkü atılıb. Sfera.az-ın məlumatına görə, Azərbaycan təmsilçilərindən Teymur Rəcəbov "The FTX Crypto Cup"un ilk turunda ABŞ təmsilçisi Hikaru Nakamuraya rəqib olub. Şəhriyar Məmmədyarov isə Maqnus Karlsenlə görüşəcək. Hər iki şahmatçı ağ fiqurlarla çıxış edəcəklər. Rəcəbov Ermənistan təmsilçisi Levon Aronyanla V turda, Məmmədyarov isə VII turda qarşılaşacaq. Onlar bu qarşılaşmalarını da ağ fiqurlarla

AFFA İntizam Komitəsinin növbəti iclası keçirilib. Sfera.az xəbər verir ki, toplantıda Azərbaycan Premyer Liqasının XXVI turunda baş vermiş hüquqi pozuntularla əlaqədar qərarlar qəbul olunub. "Keşlə" - "Sumqayıt” oyununda hər iki klub 4 futbolçusunun sarı vərəqə almaları səbəbindən 800 manat cərimələnib. "Sumqayıt"a daha 800 manat cərimə XXVII turun "Neftçi” ilə ev matçında 4 futbolçusuna sarı vərəqə göstərildiyi üçün kəsilib.

Azərbaycan para-üzgüçüsü Raman Saleh Portuqaliyanın Madeyra şəhərində keçirilən Avropa çempionatının qızıl medal qazanıb. Sfera.az xəbər verir ki, idmançı 100 metr məsafəyə arxası üstə üzmə növündə 1 dəqiqə 1,57 saniyə nəticə göstərərək bütün rəqiblərini geridə qoyub. Qeyd edək ki, Raman Saleh Tokio-2020 Yay Paralimpiya Oyunlarına lisenziya qazanıb.

ABŞ-ın Nevada ştatının Reno şəhərində keçirilmiş cüdo üzrə Amerika çempionatında soydaşımız Zaur Cəlil (Azərtürk) 73 kq çəkidə birinci yeri tutub. Diasporla İş üzrə Dövlət Komitəsindən verilən məlumata görə, bu, qızıl medala layiq görülən soydaşımızın cüdo üzrə Amerika çempionatında üçüncü qələbəsidir. Bundan öncə Zaur iki dəfə Amerika çempionatının yüksək kürsüsünə qalxıb. Təltif olunma mərasimində Zaur Cəlil bildirib ki, qələbəni doğma Azərbaycan xalqına və işğaldan azad edilmiş Qarabağa həsr

"Milan”ın hücumçusu Zlatan İbrahimoviç futbol üzrə Avropa çempionatını buraxacaq. Sfera.az xəbər verir ki, 39 yaşlı futbolçu zədə səbəbindən turnirdə iştirak edə bilməyəcək. O, artıq bu barədə İsveş yığmasının məşqçilər heyətini xəbərdar edib. İbrahimoviç mayın 9-da "Yuventus”la oyunda dizindən zədə alıb. Matçın ikinci hissəsində o, meydançanı tərk etməyə məcbur olub. Qeyd edək ki, İbrahimoviç İsveç millisinin ən yaxşı bombardiridir. Onun hesabında 62 qol var.

Mayın 15-də futbol üzrə Azərbaycan Premyer Liqasında son turun oyun cədvəli müəyyənləşib. Sfera.azxəbər verir ki, bu barədə Peşəkar Futbol Liqasının saytında məlumat yayılıb. Bildirili ki, görüşlərin hamısı mayın 19-da keçiriləcək. "Neftçi” və "Qarabağ” komandaları arasındakı çempionluq qarşılaşması Bakının Mərdəkan qəsəbəsindəki "Dalğa Arena”da saat 20:30-da başlanacaq. Qalan 3 görüş isə daha erkən - saat 18:00-da start götürəcək. Həmin görüşlərdə "Səbail” klubu "Sumqayıt”ı, "Sabah” komandası

Çinin "Quançjoy Everqrand" klubunun futbolçusu Anderson Taliska karyerasını Səudiyyə Ərəbistanında davam etdirəcək. Sfera.az xəbər verir ki, braziliyalı futbolçunun "Əl-Əhli" klubuna transferi tamamlanıb. Ərəblər 27 yaşlı yarımmüdafiəçi ilə 2 illik razılığa gəlib. Bu keçid üçün Çin klubuna 5 milyon avro təzminat ödəniləcək.. "Əl-Əhli" bundan öncə "Portu"dan Mussa Mareqa ilə müqavilə imzalayıb. Taliska "Bahia", "Benfika" və "Beşiktaş" klublarında da çıxış edib.

"Azərbaycan bizim üçün önəmlidir. Azərbaycanı öz meydanımız kimi görürük". Sfera.az xəbər verir ki, bunu Türkiyə millisinin baş məşqçisi Şenol Güneş Bakıda keçirəcəkləri AVRO-2020-nin oyunları barədə danışarkən deyib. 69 yaşlı mütəxəssis 2019-cu ilin dekabrında Azərbaycan paytaxtına etdiyi səfəri zamanı məşq üçün stadionları axtararkən, isti münasibət gördüyünü xatırladıb: "Oyunlara nə qədər tamaşaçının gələcəyini bilmirəm, amma bu baxımdan üstünlüyümüzün olacağını düşünürəm. Türkiyə -

Türkiyə milli komandasının Şimali İrlandiya yığması ilə yoldaşlıq görüşü ləğv olunub. Sfera.az bildirir ki, bu barədə "ay-ulduzlular"ın baş məşqçisi Şenol Güneş açıqlama verib. 69 yaşlı mütəxəssis belə bir qərarı Çempionlar Liqasının final qarşılaşmasının İstanbuldan alınmasının ardından Şimali İrlandiya Futbol Assosiasiyasının qəbul etdiyini bildirib. Böyük Britaniya hökuməti Türkiyəni koronavirusun geniş yayıldığı ölkələrdən biri kimi "qırmızı siyahı"ya salıb. Bu səbəbdən, Çempionlar

Bu gün Türkiyə Super Liqasında 2020/2021 mövsümünün qalibi müəyyənləşəcək. "Report"un məlumatına görə, çempionluq uğrunda mübarizə aparan 3 klub həlledici qarşılaşmalarına çıxacaq. XLII tur öncəsi "Beşiktaş" və "Qalatasaray" 81 xalla ilk 2 pilləni bölüşür. "Ağ-qaralar" "sarı-qırmızılar"ı topların nisbətində 2 top qabaqlayır. "Fənərbağça" isə 79 xalla 3-cü yerdə gedir. Bakı vaxtı ilə saat 21:30-da başlanacaq görüşlərdə "Beşiktaş" 51 xalla 10-cu pillədə gedən "Göztəpə"nin qonağı olacaqsa,

İspaniyanın "Real Madrid" futbol komandasının baş məşqçisi Zinəddin Zidan mövsümün sonuna yaxın vəzifəsindən getməyə qərar verib. Sfera.az-ın"TeleMadrid”ə istinadən məlumatına görə, 48 yaşlı mütəxəssis klubdan ayrılmaq istəyir. Baş məşqçi mənəvi və fiziki gərginlikdən yorulub. Zidan komandanın İspaniya çempionu olub-olmayacağına rəğmən, klubu tərk etmək niyyətindədir. Qeyd edək ki, Zinəddin Zidan "Real Madrid"ə 2019-cu ildən başçılıq edir. O, daha əvvəl - 2016 - 2018-ci illərdə də Madrid

"Maraqlı oyun alındı. Çempionatın son matçları psixoloji cəhətdən çətin keçir". "Report"un məlumatına görə, bunu "Zirə"nin baş məşqçisi Rəşad Sadıqov evdə "Səbail"ə 2:0 hesabı ilə qalib gəldikləri Azərbaycan Premyer Liqasının XXVII tur matçından sonra mətbuat konfransında deyib. 39 yaşlı mütəxəssis bildirib ki, ilk dəqiqədən futbolçular onlara verilən tapşırıqları yerinə yetiriblər: "İkinci hissəyə daha inamlı başladıq. Birinci qoldan sonra uşaqlarda hesabı qorumaq fikri formalaşdı. İkinci qolu

"Oyuna pis başlamadıq. Hesabda önə keçəndən sonra komandada bir az boşalma oldu. Bu da penalti və qolla nəticələndi". Bu fikirləri "Sabah"ın baş məşqçisi Ramin Quliyev səfərdə "Qəbələ" ilə 2:2 hesablı heç-heçə etdikləri Premyer Liqanın XXVII tur oyunundan sonra mətbuat konfransında deyib. 40 yaşlı mütəxəssis bildirib ki, ilk qolun təsirindən tam ayılmamış qapılarında ikinci topu gördülər: "Matçın sonlarında 2 real qol epizodumuz oldu. Bu gün uda və ya uduza bilərdik. Təəsüfləndirən odur ki,

"Formula 1" üzrə Türkiyə Qran-prisi ləğv olunub. Sfera.az xəbər verir ki, bu barədə yarışın rəsmi saytı məlumat yayıb. Bildirilib ki, Qran-pri koronavirusa görə səyahət məhdudiyyətləri səbəbindən baş tutmayacaq. Əvəzində 18 - 20 iyunda Fransada, 25 - 27 iyun və 2 - 4 iyulda Avstriyada yarışların keçirilməsi qərara alınıb. Qeyd edək ki, Azərbaycan Qran-prisi 4 - 6 iyunda keçiriləcək. Türkiyədəki turnir 11 - 13 iyunda planlaşdırılıb. (Report)

"Milli komanda mənim üçün hər kəsdən və hər şeydən önəmlidir. Onu qorumaq əsl vəzifəmizdir". Sfera.az-ın məlumatına görə, bu fikirləri Türkiyə millisinin baş məşqçisi Şenol Güneş Avropa çempionatı üçün ilkin heyəti açıqlayan zaman mətbuat konfransında deyib. 69 yaşlı mütəxəssis bildirib ki, qazanılacaq uğur əhval-ruhiyyəni yaxşılaşdıracaq və komandada inamı artıracaq. Güneş A qrupundakı şansları barədə bunları söyləyib: "Kağız üzərində favorit İtaliya yığmasıdır, Türkiyə, Uels və İsveçrə

Portuqaliya millisinin futbolçusu Kriştianu Ronaldu İtaliyanın "Yuventus" klubunun tarixinə düşüb. Sfera.az xəbər verir ki, 36 yaşlı hücumçu buna A Seriyasının XXXVI turunda "Sassuolo"nu 3:1 hesabı ilə məğlub etdikləri oyunda nail olub. Matçda ikinci qola imza atan təcrübəli oyunçu Turin təmsilçisinin heyətində 100-cü dəfə fərqlənib. Ronaldu "Yuventus"da bu uğuru 3 mövsüm ərzində gerçəkləşdirə bilən yeganə futbolçudur. "Qoca sinyora"nın oyunçuları əvvəllər 100-cü qola ən azı 4 mövsümdə çata

Niderlandın KPMG auditor şirkəti dünyanın ən bahalı futbolçularının siyahısını təqdim edib. Sfera.az xəbər verir ki, məbləğ bir neçə amilə görə hesablanıb. Bura oyunçunun səviyyəsi, onun statusu, müqaviləsinin müddəti və hazırkı forması daxildir. İlk pillədə Fransa PSJ-sinin hücumçusu Kilian Mbappe qərarlaşıb. Onun qiyməti 189 milyon avrodur. Almaniyanın "Borussiya" (Dortmund) komandasının forvardı Erlinq Holann (131 milyon avro) ikinci, İngiltərə "Tottenhemi"inin kapitanı Harri Keyn (127

İngiltərə "Mançester Siti"sindən ayrılacağı dəqiqləşən Serxio Aqueronun yeni klubu bəlli olub. Sfera.az "Mundo Deportivo" nəşrinə istinadən xəbər verir ki, 33 yaşlı hücumçu İspaniya "Barselona"sı ilə anlaşıb. Argentinalı oyunçunun transferi "Mançester Siti" və "Çelsi" komandaları arasında keçiriləcək Çempionlar Liqasının finalından sonra açıqlanacaq. Oyun mayın 29-da Portuqaliyanın Portu şəhərindəki "Draqau" stadionunda olacaq. Aquero Kataloniya təmsilçisi azad agent kimi keçəcək. Qeyd edək ki,

Basketbol üzrə Avroliqa 2023/2024 mövsümündən etibarən qapalı turnirə çevrilə bilər. Sfera.az "Mundo Deportivo" nəşrinə istinadən xəbər verir ki, yarış rəhbərliyi artıq bu layihənin icrası ilə bağlı işlərə başlayıb. İddiaya görə, bütün turnir iştirakçılarının yarışa qatılmaq üçün uzunmüddətli lisenziyaları olacaq. Avrokuboklar artıq Avroliqaya keçmək imkanı verməyəcək. Avroliqadakı 11 səhmdar klubun hamısı bu ideyanı həyata keçirməkdə maraqlıdır.

İngiltərənin "Mançester Yunayted" klubunun sabiq futbolçusu Antonio Valensiya karyerasını başa vurub. Sfera.az xəbər verir ki, 36 yaşlı müdafiəçi bu barədə instaqram hesabından paylaşım edib. Ekvadorlu oyunçu "Old Trafford" stadionunda yaşadıqlarını heç vaxt unutmayacağını yazıb. Qeyd edək ki, 2009 - 2019-cu illərdə "Mançester Yunayted"də çıxış etmiş Antonio Valensiya son olaraq Meksikanın "Keretaro" komandasının formasını geyinib. O, İngiltərə təmsilçisinin heyətində iki dəfə Premyer Liqanın,

2023-cü ildə UEFA Çempionlar Liqasının finalı Türkiyənin İstanbul şəhərindəki Atatürk Olimpiya Stadionunda keçiriləcək. Sfera.az xəbər verir ki, bu barədə məlumatı italiyalı jurnalist Nikola Skira özünün tvitter səhifəsində paylaşıb. Avropa futbol qurumu koronavirusa görə cari mövsüm qitənin bir nömrəli klub turnirinin həlledici matçını İstanbuldan alıb, Portuqaliyanın Portu şəhərinə verəcək. Bu qərarların tezliklə açıqlanacağı gözlənilir. 2023-cü ildə final oyunu Almaniyanın Münhen şəhərində

Futbol üzrə Rusiya Kubokunda final görüşü keçirilib. Sfera.az-ın məlumatına görə, həlledici qarşılaşmada "Lokomotiv" və "Krılya Sovetov" komandaları üz-üzə gəlib. Nijni Novqorodda təşkil olunmuş qarşılaşma Moskva təmsilçisinin qələbəsi ilə yekunlaşıb - 3:1. Qalib komandadan qolları Fransua Kamano 15-ci, Fyodor Smolov penalti ilə 48-ci, və Murilo 84-cü dəqiqədə vurub. Samara klubundan isə Vladislav Sarveli 22-ci dəqiqədə fərqlənib. "Lokomotiv" tarixində hamıdan çox - 9-cu dəfə Rusiya Kubokunu

FIFA klublarında əmək haqqı ala bilməyən dörd azərbaycanlı futbolçuya dəstək olacaq. Sfera.az-ın məlumatına görə, bu barədə ali futbol qurumunun Futbolçular Fondunun açıqladığı hesabatda bildirilir. Lakin həmin futbolçuların adları və aldıqları məbləğ göstərilməyib. Maliyyə dəstəyi almaq üçün 2015-ci ilin iyulundan 2020-ci ilin iyununadək hüquqları pozulmuş futbolçular müraciət ediblər. Ümumilikdə 36 ölkədən 109 klubun 1 089 futbolçusundan ərizə verilib və 1 005-i təmin olunub. Azərbaycandan