Paralimpiya Oyunlarında Ukrayna komandasına forma qadağası

Beynəlxalq Paralimpiya Komitəsi (IPC) Ukrayna komandasının Milan və Kortina d'Ampezzoda keçiriləcək Qış Oyunları üçün parad formasını qadağan edib. Komitə bunu siyasi motivli hesab edib, çünki formada 1991-ci il sərhədləri daxilində Ukraynanın xəritəsi təsvir edilmişdir. Buna görə də komanda təcili olaraq yeni forma hazırlamağa məcbur olub.

 

Sfera.az bildirir ki, Ukrayna Milli Paralimpiya Komitəsinin prezidenti Valeri Suşkeviç Beynəlxalq Paralimpiya Komitəsinin Ukrayna komandasının Qış Paralimpiya Oyunları üçün parad formasını təsdiq etmədiyini açıqlayıb.

 

Onun sözlərinə görə, forma simvolik olub və Ukraynanın bütün əraziləri Rusiya işğalından kənarda, yəni 1991-ci il sərhədləri daxilində olan bir dövlət kimi mövcudluğunu vurğulayıb. Ukrayna xəritəsinin daxil edilib-edilmədiyi barədə suala, Suşkeviç xəritənin dizayna daxil edildiyini bildirib.

 

O, vurğulayıb ki, 2024-cü ildə də Parisdə keçirilən Yay Paralimpiya Oyunları zamanı təsdiq təxirə salınmışdı, lakin formalar uğurla müdafiə edilmişdi. Bu dəfə, BPK-nin mövqeyi daha qətiyyətli olub.

 

Komanda təcili olaraq yeni bir dəst hazırlamalı olub.

 

Aynil