Çempionlar Liqasında 1/8 final cütləri bəlli oldu

UEFA Çempionlar Liqasının 1/8 final mərhələsinin püşkü atılıb.

 

Sfera.az xəbər verir ki, İngiltərə təmsilçilərini bu mərhələdə çətin sınaqlar gözləyir.

“Arsenal” 1/8 finalda Almaniya təmsilçisi “Bayer 04 Leverkusen” ilə qarşılaşacaq. “Liverpul” isə Türkiyənin “Qalatasaray” klubu ilə üz-üzə gələcək. “Mançester Siti” 2025–2026 mövsümündə Avropa çempionluğu uğrunda mübarizəni davam etdirmək üçün İspaniya nəhəngi “Real Madrid” səddini keçməlidir.

Digər maraqlı cütlükdə “Çelsi” son çempion “Paris Saint-Germain” ilə qarşılaşacaq. “Newcastle United” İspaniya təmsilçisi “Barselona” ilə mübarizə aparacaq.

Bundan əlavə, “Tottenham Hotspur” Premyer Liqadakı çətinlikləri arxada qoyaraq İspaniyanın “Atletiko Madrid” klubu ilə üz-üzə gələcək.

Qeyd edək ki, 1/8 final mərhələsinin ilk oyunları mart ayında keçiriləcək.

 

Niyaz Hacıyev
Sfera.az