"Real Madrid" Mbappenin transferindən peşman olub

Jurnalist Romain Molina "Real Madrid"in fransız hücumçusu Kilian Mbappenin transferindən narazı olduğunu bildirib.

Sfera.az xəbər verir ki, bu barədə Daily Mail məlumat yayıb. 

“Real Madrid onu dəvət etdiyinə görə peşman oldu, zəmanət verirəm. Mənə bu barədə qeyd-şərtsiz dedilər. Onu istəyən Peres idi, o, ulduz futbolçuları sevir. Klub onun çıxışlarının səviyyəsindən narazıdır. Baxmayaraq ki, bəlkə də bu Kilianın günahı deyil”, - Molina bildirib.

Mbappe ilə Real Madrid arasında müqavilənin imzalanması iyunun 3-də rəsmən açıqlanıb. Hücumçu İspaniya nəhənginə azad agent kimi keçib. Bundan əvvəl forvard 2017-ci ildən çıxış etdiyi Fransa PSJ-də çıxış edib.

Mbappe İspaniya çempionatında "Real"ın heyətində ilk qollarını "Betis"lə 4-cü tur matçında vurub. O, dubla imza atıb və Madrid klubu 2:0 hesabı ilə qalib gəlib. Sentyabrın 4-də Mbappe "Qızıl top"a namizədlər siyahısına daxil edilib.