Ulduz futbolçu Kilian Mbappe təcavüzdə ittiham olunur

"Real Madrid"in ulduzu və fransalı futbolçu Kilian Mbappe təcavüzdə ittiham olunur.

Sfera.az bildirir ki, İsveç mediasının yazdığına görə Stokholmdakı oteldə zorakılıq iddiası ilə bağlı istintaq başlayıb.

İsveç mediası hadisənin Stokholmdakı oteldə baş verdiyini iddia edir və prokuror araşdırmaya başlayıb.

İsveç polisi də mediaya Kilian Mbappenin zorlama və cinsi təcavüzə görə şikayət edildiyini təsdiqləyib.
 

İsveç prokuroru iş üzrə heç bir şübhəli şəxs müəyyən etməyib və işin rəsmi şikayətdən sonra davam etdirildiyini təsdiqləyib.
 

Media polisin paltarları sübut kimi ələ keçirdiyini yazır və Mbappedən zorlama və cinsi təcavüzdə əsaslı şəkildə şübhələndiyini bildirir. Hələlik heç bir rəsmi ittiham irəli sürülməyib, yəni heç bir şübhəli şəxs həbsdə deyil.
 

Qalmaqal haqqında

Kilian Mbappe keçən həftə İsveçin paytaxtına sürpriz səfər edib və cümə günü səhər tezdən Stokholmun mərkəzində əylənərkən görülüb.
 

25 yaşlı “Real Madrid” forvardı gecə klubuna getməzdən əvvəl dəbdəbəli restoranda nahar edib.
 

Polis hesabatına görə, iddia edilən cinsi təcavüz cümə axşamı, oktyabrın 10-da polisin axtarış apardığı otel otağında baş verib. İddia edilən cinayət barədə iki gün sonra polisə məlumat verilib.


Kilian Mbappenin reaksiyası
 

Mbappe sosial şəbəkədə mesaj yazaraq ittihamlara cavab verib.
 

Futbolçunun nümayəndələri ona qarşı hüquqi şikayətdən xəbərsiz olduqlarını bildiriblər. Oktyabrın 14-də İsveç mediasının yazdıqlarının böhtan olduğu bildirilib. "Bu gün İsveçin Aftonbladet mediasında yeni böhtan xarakterli şayiələr yayılmağa başlayır. Bu ittihamlar tamamilə yalan və məsuliyyətsizdir və onların yayılması qəbuledilməzdir". Bəyanatda deyilir ki, həqiqəti bərpa etmək üçün bütün lazımi məhkəmə tədbirləri görüləcək.
 

Bu arada Mbappenin pərəstişkarları onun “Real Madrid” futbolçularının futbol klubunun rəsmi “Instagram” səhifəsində yayımlanan birgə fotosundan yoxa çıxdığını görüblər.

Kilian Mbappe fotodan silinib

Rəsmi olaraq isə bildirilib ki, Killian “Nike” ilə müqaviləsi olduğu üçün Adidas tədbirlərində “Real Madrid” hesabında görünə bilməz. Bununla belə, bu tanıtım materiallarında yer alan digər “Real Madrid” oyunçuları da Nike ilə müqaviləsi olan Eduardo Camavinga kimi “Adidas”dan başqa markalarla da müqavilə bağlayırlar. Redaktə olunmayan fotonu futbolçu Jude Bellingham yerləşdirib, lakin sonradan bu paylaşımı silib.

Aynil