"Barselona" keçmiş məşqçisindən iPhone və iPad-i qaytarmağı xahiş edib

İspaniya "Barselona"sının rəhbərliyi komandanın keçmiş baş məşqçisi Xavidən klubun ona və işçilərinə şəxsi istifadə üçün verdiyi iPhone və iPad-i geri qaytarmasını istəyib.
 

Sfera.az xəbər verir ki, bu barədə "Barca Universal" məlumat yayıb .
 

Mənbə bildirir ki, klub “Apple” avadanlıqlarının “Barselona”ya məxsus olduğunu, Xavi və onun məşqçilər heyətinin onları geri qaytarmağa borclu olduğunu bildirib.
 

2024-cü ildə Real Madrid 95 xal toplayaraq vaxtından əvvəl İspaniya çempionu olub. “Barselona” 85 xalla ikinci yeri tutub. “Jirona” 81 xalla üçüncü olub.
 

Yanvarın 27-də İspaniya çempionatının 22-ci turunun matçında "Barselona" doğma meydanda "Vilyarreal"a uduzub (3:5). Oyundan sonra Xavi mövsümün sonunda "blaugrana"nın baş məşqçi postunu tərk edəcəyini açıqlamışdı. Mütəxəssis ayrılmaq qərarını klubun kursu dəyişməli olması ilə izah edib. Xavinin rəhbərliyi altında "Barselona" La Liqa və İspaniya Superkubokunun qalibi olub.
 

Yeni mövsümdə Kataloniya komandası 9 turdan sonra 24 xalla birinci yerdədir. Komandanı Hans-Dieter Flick çalışdırır.

İnci