FİFA-nın İntizam Komitəsi Kamerun Futbol Federasiyasının prezidenti Samuel Etonun 6 ay müddətinə Kamerun millisinin oyunlarında iştirakına qadağa qoyub.

Sfera.az xəbər verir ki, bu barədə qurumun mətbuat xidməti məlumat yayıb.

Eto FİFA intizam məcəlləsinin nalayiq davranış və ədalətli oyun prinsiplərinin pozulması ilə bağlı iki maddəsi ilə təqsirli bilinib.

Sabiq futbolçuya qarşı sanksiyalar 2024-cü il sentyabrın 11-də Kamerun və Braziliya arasında keçirilən FİFA U-20 qadınlararası dünya çempionatının 1/8 final mərhələsində davranışına görə tətbiq edilib.