Mbappe Superkubok matçında Real Madriddə debüt edəcək
Fransalı hücumçu Kilian Mbappe İspaniyanın "Real Madrid" klubunun heyətində İtaliyanın "Atalanta"sı ilə UEFA Superkuboku matçında debüt edəcək .
Sfera.az xəbər verir ki, Real Madridin heyəti artıq müəyyənləşib. Belə ki, oyunda komandada Kurtua, Karvaxal, Militao, Rudiger, Mendi, Valverde, Çuameni, Bellinqhem, Rodriqo, Mbappe, Vinisius çıxış edəcək.
Xatırladaq ki, Mbappe ilə Real Madrid arasında müqavilənin imzalanması iyunun 3-də rəsmən açıqlanıb. Hücumçu Madrid klubuna azad agent kimi keçib. Bundan əvvəl o, 2017-ci ildən çıxış etdiyi PSJ-də yer alıb. Mayın 10-da hücumçu 2023/24 mövsümü başa çatdıqdan sonra Fransa komandasını tərk edəcəyini rəsmən açıqlayıb.
"Real Madrid" - "Atalanta" matçı saat 23:00-da başlayacaq. Superkubok uğrunda görüşdə Çempionlar Liqasının (“Real” finalda “Borussiya Dortmund”a qalib gəlib) və Avropa Liqasının (“Atalanta” finalda Almaniya “Bayer”ini məğlub edib) qalibləri qarşılaşır.
İnci
Sfera.az
