Paris-2024: Azərbaycan güləşçisinin üz-üzə gələcəyi rəqib müəyyənləşdi

Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Giorgi Meşvildişvilinin rəqibi müəyyənləşib.

 

Sfera.az-ın report-a istinadən məlumatına görə, 125 kq çəki dərəcəsində yer alan idmançı bürünc medal uğrunda görüşdə Polşa təmsilçisi Robert Baranla üz-üzə gələcək.

 

Bürünc medal uğrunda qarşılaşmalar bu gün, Bakı vaxtı ilə saat 20:15-də başlayacaq.

 

Qeyd edək ki, Paris-2024 avqustun 11-də başa çatacaq.