Avstraliyalı otüstü xokkeyçi Mett Dousonun etdiyi hərəkət idman ictimaiyyətini şoka salıb.

Sfera.az xarici KİV-ə istinadən xəbər verir ki, idmançı yarışa qatıla bilmək üçün barmağını kəsdirib.

Belə ki, "Paris 2024"də iştirak etmək istəyən 30 yaşlı idmançı iki həftə əvvəl Pertdə məşq zamanı sağ əlinin barmağını sındırıb. Həkimlər sınmış barmağın sağalmasının aylar çəkə biləcəyini bildirdikdən sonra Douson hər kəsi şoka salan bir hərəkət edib və sınıq barmağının yuxarı hissəsini oynaqdan kəsdirib.

"Bu, mənim son olimpiadam ola bilər və qarşılığında barmağımı kəsdirməliyəmsə, mən də bunu edəcəyəm", - o, deyib.

Digər tərəfdən, Douson zədəsindən sonra paltardəyişmə otağında barmağını görəndə huşunu itirib. O bildirib ki, əməliyyatdan sonra uzun sağalma müddətinə baxmayaraq, barmağının tam funksiyasını bərpa edilə bilməyəcək. Oyunçu zədəsinin 16-cı günündən sonra Argentina ilə oyunda komandası ilə birlikdə meydanda olacaq.

Firuzə Əliyeva