“Qarabağ”ın 2-ci təsnifat mərhələsindəki rəqibi dəqiqləşdi
![“Qarabağ”ın 2-ci təsnifat mərhələsindəki rəqibi dəqiqləşdi](https://sfera.az/photo/orginal/2024/07/16/1721159008_a0aadf9c6685fb90cace15bb1c649f90.jpg)
İdman
23:59 / 16.07.2024
12412
Azərbaycan çempionu “Qarabağ”ın Çempionlar Liqasındakı potensial rəqibləri I təsnifat mərhələsinin cavab oyunu çərçivəsində üz-üzə gəlib.
Sfera.az xəbər verir ki, “Linkoln” komandası Cəbəllütariqdə Maltanın “Hamrun” kollektivini qəbul edib.
Matç 1:0 hesabı ilə qonaq komandanın xeyirinə başa çatıb.
İlk görüşdə “Linkoln” səfərdə minimal üstünlüklə (1:0) qələbə qazandığından ümumi hesab bərabərləşib.
Qarşılaşma əlavə vaxta, daha sonra penaltilər seriyasına qədər uzanıb.
Burada daha dəqiq oynayan “Linkoln” (5:4) kollektivi II təsnifat mərhələsinə yüksəlib.
Qeyd edək ki, Azərbaycan çempionu Cəbəllütariq təmsilçisi ilə ilk matçını iyulun 23-ü və ya 24-də səfərdə keçirəcək. Cavab oyunu iyulun 30-da Bakıda baş tutacaq.