UEFA Merih Demiralı CƏZALANDIRDI
![UEFA Merih Demiralı CƏZALANDIRDI](https://sfera.az/photo/orginal/2024/07/05/1720177576_6687d1d81e08e6687d1d81e08f17201771126687d1d81e08c6687d1d81e08d.jpg)
İdman
15:32 / 05.07.2024
4571
AVRO-2024-ün 1/8 final mərhələsində Avstriya ilə matçda Türkiyə millisinin qollarını vuran Merih Demiral "bozqurd" işarəsi göstərərək sevincini qeyd edib.
Sfera.az xəbər verir ki, bu hərəkətə görə UEFA-nın araşdırma başlatdığı milli futbolçunun cəzası müəyyənləşib. Bu barədə Avropa futbol qurumu məlumat yayıb.
Bildirilib ki, türkiyəli futbolçu ümumi davranış prinsiplərinə zidd hərəkət etdiyi, əsas nəzakət qaydalarını pozduğu üçün 2 oyunluq diskvalifikasiya edilib.
Qeyd edək ki, Merih Demiral Almaniyada keçirilən AVRO-2024-də Avstriyaya 2:1 hesabı ilə qalib gəldikləri 1/8 final matçında “bozqurd” işarəsi göstərib. UEFA futbolçunun bu hərəkətinə görə araşdırmaya başlamışdı.