Portuqaliya millisinin məşqçisi Kriştianonun səhvini DƏSTƏKLƏDİ

Portuqaliya millisinin baş məşqçisi Roberto Martinez AVRO-2024-ün 1/8 final mərhələsində Sloveniya ilə matçda penaltidən yararlana bilməyən Kriştiano Ronaldonu dəstəkləyib.

Sfera.az xarici KİV-ə istinadən xəbər verir ki, məşqçi Kriştianonun hansı gücə sahib olduğundan xəbərdar olduğunu ifadə edib.

“Kriştiano, altı avro kuboku olan yeganə oyunçudur, lakin o, özünü hələ də gənc hesab edir. Bu duyğular inanılmazdır. Mən ona şəxsiyyəti üçün təşəkkür etmək istəyirəm",-Martinez deyib.

İyulun 1-də Portuqaliya yığması turnirin 1/8 finalında Sloveniya yığmasını məğlub edib. Əsas vaxt 0:0 hesabı ilə başa çatıb, Ronaldo penaltini qola çevirə bilməyib. Penaltilər seriyası 3:0 hesabı ilə başa çatıb. 

Dörddəbir final matçında  Portuqaliya Fransa ilə qarşılaşacaq . Qarşılaşma iyulun 5-də baş tutacaq. 

İnci