AFFA iki kluba texniki məğlubiyyət verib
![AFFA iki kluba texniki məğlubiyyət verib](https://sfera.az/photo/orginal/2024/06/25/1719316703_1c2d2f3a-7e1c-30ce-b33a-082cf23effe7_850.jpg)
15:45 / 25.06.2024
4326
AFFA-nın İntizam Komitəsi iki kluba texniki məğlubiyyət verib.
Sfera.az qurumun mətbuat xidmətinə istinadən xəbər verir ki, cəzaya məruz qalan komandalardan biri U-17, digəri U-16 Liqası iştirakçısıdır.
U-17 Liqasında iyunun 20-də keçirilməli olan “Kəpəz” - “Zirə” matçı qonaqların təyin edilən vaxtda meydana çıxmaması səbəbindən baş tutmayıb. Nəticədə “Zirə” klubuna 0:3 hesablı texniki məğlubiyyət verilib.
U-16 Liqasında isə “Masallı” klubu “Atletico Baku” ilə matçda oyunu buraxmalı olan Ruslan Abdulxalıqovun xidmətindən istifadə etdiyinə görə cəzalanıb. Bölgə təmsilçisinə 0:3 hesablı texniki məğlubiyyət verilib.