"Barselona" yay transfer pəncərəsində "Atletik Bilbao"nun ispaniyalı vingeri Niko Uilyamsı almaq istəyir.

Sfera.az bildirir ki, Kataloniya klubu 21 yaşlı hücumçu üçün 50 milyon avro məbləğində təzminat ödəyə bilər. Futbolçu isə öz komandasında qalmaq istədiyini bildirib, çünki gənc Uilyams gələn mövsüm "Atletik"lə Avropa yarışlarında oynamaq istəyir.

Cinah oyunçusu bu mövsüm bütün turnirlərdə 30 oyun keçirib, 6 qol vurub və 14 məhsuldar ötürmə edib. Futbolçunun ispan klubu ilə müqaviləsi 2027-ci ilin iyunun sonuna kimi qüvvədədir. Onun təxmini dəyəri 50 milyon avrodur.

Fatimə Lətif